web counter
LEXO PA REKLAMA!

SHKARKO APP

App Store
Google Play

Fagu: Shpresoj të luhet futboll i drejtë në Vllaznia-Skënderbeu, nuk na toleron Egnatia

10 Maj 2024, 15:26, Sport CNA

Trajneri Erbim Fagu, në deklaratën para ndeshjes me Egnatian, deklaroi se ekipi i tij, do të provojë të fitojë ndeshjen, për të shpresuar te ruajtja e vendit të katërt.

Fagu tha se shpreson që në Vllaznia-Skënderbeu të luhet futboll i drejtë dhe pa tolerime.

"Aktualisht kemi pak më pak shpresa për vendin e katërt, pasi nuk është çdo gjë në dorën tonë, por ne do të bëjmë maksimumin për të marrë 3 pikët në ndeshjen tonë. Ne kemi lojtarë me eksperiencë, por kur një sezon s’ka shkuar si duhet, çdokush futet në presion.

Shpresoj që Shkodër të luhet futboll i drejtë. Nuk jemi vetëm ne në garë por edhe Teuta me Dinamon.

Në kampionat s’ka pasur aleanca, të gjithë kanë luajtur për objektivat e vet, skuadrat do të japin maksimumin. Logjikisht Egnatia është e fokusuar në Kupë, por nuk mendoj se do të hyjnë në fushë për të na toleruar, e presim agresive, ka treguar gjatë kampionatit këtë.

Nuk kam folur për të ardhmen, presim të mbarojë kjo ndeshje, më pas do të ulemi dhe do të bisedojmë për të ardhmen.", tha Fagu. 





Lajmet e fundit nga