web counter
LEXO PA REKLAMA!

SHKARKO APP

App Store
Google Play

E fundit!

x

"Arbitri pranoi fajin dhe kërkoi falje", te Bayern Munich-u ndihen të vjedhur ndaj Real Madrid-it

9 Maj 2024, 11:15, Sport CNA

"Arbitri pranoi fajin dhe kërkoi falje", te Bayern Munich-u

Kualifikimi i Real Madrid-it në finalen e Ligës së Kampioneve, përballë Bayern Munich-ut, nuk ka kaluar pa polemika. Te gjermanët u ndien të vjedhur nga arbitrimi i ndeshjes.

Këtë e shprehu edhe trajneri i bavarezëve, Thomas Tuchel, pas ndeshjes, ku nuk i kurseu akuzat.

"Te goli i anuluar, mendoj se ishte një fatkeqësi absolute. Me golin e dytë të Real Madrid-it, ata e lanë lojën të vazhdojë. Rregulli i qartë është që loja duhet të vazhdojë. Gabimi i parë u bë nga gjyqtari anësor, i dyti nga gjyqtari kryesor. Ishte një shkelje e qartë e rregullave. Mendoj se stadiumi 'Bernabeu', kishte efektin e vet te gjyqtarët”, tha Tuchel. 

Në të njëjtën linjë me trajnerin ishte edhe mbrojtësi Matthijs de Ligt, i cili deklaroi se arbitri pranoi gabimin dhe kërkoi falje pas ndeshjes.

“Të gjithë i dimë rregullat dhe është e qartë që nëse nuk është pozicion jashtë loje evident, duhet lënë aksioni të përfundojë. Ishte e turpshme. Edhe goli i Hozelu ishte pothuajse pozicion jashtë loje, por e la aksionin të përfundonte dhe më pas e verifikoi… ndërsa në rastin tonë, jo. E pabesueshme.

T’i biesh bilbilit në një aksion të tillë, në minutën e fundit, është një gabim i rëndë. Nuk e di nëse ishte pozicion jashtë loje apo jo, por nëse nuk e rishikon dot, nuk do tta dimë kurrë. Anësori më kërkoi falje, e pranoi gabimin.”

Kjo nuk është hera e parë që ndeshjet mes Real Madrid-it dhe Bayern Munich-ut, krijojnë polemika në Ligën e Kampioneve, pasi e njëjta gjë ka ndodhur edhe në të kaluarën.





Lajmet e fundit nga