web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Flet ish-zv presidenti i Skendërbeut/ Adi Kollçaku: Kampionati do flasë përsëri korçarçe

11 Qershor 2022, 12:01, Sport CNA
Ekskluzive-Flet ish-zv presidenti i Skendërbeut/ Adi Kollçaku:
Adi Kollçaku, Ardian Takaj

Adi Kollçaku i masakron të gjithë: Ja përgjegjësit nga Takaj, tek Duka e UEFA

Intervista ekskluzive e ish-zv. Presidentit të Skërnderbeut Adi Kollçaku.

Nga debatet dhe përplasjet me Takajn, gabimet e presidentit, përgjegjësitë, largimi nga ekipi, kritikat për Armand Dukën dhe UEFA-n, deri tek skemat e tij spektakolare dhe shpëtimi i Skëndërbeut.

“Në radhë të parë doja t’ju thoja se ju të mediave jeni shumë të vonuar me këtë intervistë. Unë kam kohë që ju pres. Në rast se ju do kishit reaguar më shpejt ndoshta do kishte reaguar dhe “Skëndërbeu” dhe Presidenti i tij.”-tha Adi Kollçaku.

-Z.Kollçaku, "Skënderbeu" sërish në Kategorinë e Parë pas 13 vitesh. Pse u rrëzua kjo skuadër?

Më vjen shumë keq për këtë që ka ndodhur. Gati më duket e pabesueshme. Nuk më zë gjumi natën. Ne ndërtuam një ekip kampion dhe do ishim mërzitur qoftë dhe me vendin e dytë. Unë për pak kam humbur jetën në një aksident vetëm se doja të isha prezent në stadium. Përgjegjësia këtu bie mbi të gjithë biles edhe mbi mua. Por përgjëgjsia kryesore bie mbi presidentin Takaj. Them bie edhe mbi mua sepse unë nuk duhet të kisha lejuar gabimet që jane bërë vitet e fundit.

Ekskluzive-Flet ish-zv presidenti i Skendërbeut/ Adi Kollçaku:
Ardian Takaj, Skëndërbeu

-Po shkonte gjithçka mirë, çfarë ndodhi që situata përfundoi kështu?

Ështe e vërtetë. Ne dolëm gjashtë herë kampion rresht dhe një herë nënkampionë të vjedhur në Kukës. Por pastaj i kapi vetëkënaqesia ekipin dhe stafin. Më kujtohet ajo ditë kur Presidenti më kërkoi mua të largohesha dhe ofroj dikë nga politika. Arlind Boshnjaku. Por, pas dy vitesh e largoj dhe atë dhe besoj se këtë punë mund ta bënte shumë më mirë vetë.

Arlindi në fakt kishte ide shumë revolucionare. I propozoj disa herë që të merrte dhe trajnerë të huaj për nivelin që kishtë “Skëndërbeu”, por paralelisht edhe skema të reja taktike. Por siç me ka treguar vetë Zoti Boshnjaku, ai nuk dëgjonte dhe ja rezultati.

-Ku gaboi Ardjan Takaj?

Takaj në radhë të parë gaboi te vendimi që mori për largimin e stafit të ngushtë, siç isha unë, por dhe Arlindi. Ai e mbivlerësoi veten shumë. Nuk dua t’i mohoj kontributin e dhënë se ai ka dhënë shumë kontribut, por “trimi i mirë me shokë shumë”, thotë populli dhe po “u ndave nga kopea të ha ujku”.

-Mendoni se ka përgjegjësi UEFA për këtë situatë?

Bëre shumë mirë me këte pyetje. Deri tani po flisnim për gabimet taktike të ekipit dhe presidentit, por përgjegjësinë kryesore për dëmin financiar në kurriz të “Skëndërbeut” e ka UEFA. Ata të iniciuar edhe nga grupe nga brenda vendit, të cilët i xhelozonte Skëndërbeu çfarë nuk shpifen e sajuan kundër ekipit. Asgjë nga ato që janë thënë nuk qëndron. Ata janë si një sekt, kam dëgjuar që bëjnë çfarë të duan. Por po të kisha qënë unë pjesë e “Skëndërbeut” në atë periudhë, nuk besoj se do kishin shkuar kaq larg. Se dhe ata nuk kruhen me të gjithë.

-Po roli i Armand Dukës?

Presidenti Duka? Natyrisht ka dhe ai gabimet e veta në këtë situatë. E para ai duhej të kishte kontribuar shumë më shumënë përplasjen e “Skëndërbeut” me UEFA-n.

“Skendërbeu” ishte ekipi model që ai duhej të nderohej. E dyta duhet të ulet më shpesh me presidentët e ekipeve dhe të qajë hallet e tyre. E treta duhet të dëgjoje kur i bëjmë ndonjë propozim për të aplikuar te loja e futbollit rregulla të reja.

Ekskluzive-Flet ish-zv presidenti i Skendërbeut/ Adi Kollçaku:
Kreu i FSHF, Armand Duka

-Nëse do ishit ju, çfarë do korigjonit?

Nëse do isha unë? Haha (qesh). Po pse more djale mendon ti se binte “Skëndërbeu” po të isha unë? Po kur isha unë, “Skëndërbeu” ishte vetëm kampion. Biles të thashë, as UEFA nuk kruhej. Por përveç këtyre unë drejtoj me staf dhe delegoj punët. Dëgjoj mendimet e të tjerëve. Biles dëgjoj shumë dhe ujqërit e dëborës. Me vjen shumë keq për ta. Unë do kisha luajt me skema të tjera. Për shembull, skema ime e preferuar është 3-5-3. Ja kërkova Takës disa herë e nuk pranonte. Më thoshte nuk lejohet. E kupton ti këtë?

-Në Korçë shpresojnë se "Skënderbeu" do rikthehet sërish në nivele të larta, mendoni se ka shpresë të ndodhë?

Bëjnë mirë që shpresojnë. Unë kam kërkuar një mbledhje bordi urgjente dhe aty do merren vendime të rëndësishme.

-Pse sot "Skënderbeu" është braktisur nga të gjithë?

Nuk është braktisur “Skëndërbeu” se ka zot.

-A keni menduar të merrni menaxhimin e ekipit?

Do ta mësoni pas mbledhjes së bordit. Do kthehemi më fuqishëm së kurrë. Kampionati do flasë përsëri korçarçe./Intervistoi: Tone ROSHI - CNA.al





Lajmet e fundit nga