E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

E mbani mend djaloshin që i dha shpejt topin Arnoldit te përmbysja me Barcelonën? Tani është kthyer në talent, shënoi 3 gola ndaj Ajaksit në Champions

16 Shtator 2022, 15:02, Sport CNA

E mbani mend djaloshin që i dha shpejt topin Arnoldit te përmbysja me

Ndeshja mes Liverpulit dhe Barcelonës në gjysmëfinalen e Ligës së Kampionëve në vitin 2019 përflitet edhe sot për shkak të kthesës së pabesueshme të klubit anglez. Barcelona fitoi ndeshjen e parë në stadiumin e saj me 3-0 dhe thuajse të gjithë ishin të sigurt se katalanasit do të shkonin në finale dhe do të eliminonin Liverpulin, por ata përjetuan një tronditje të vërtetë në ndeshjen e dytë.

Liverpuli arriti të bëjë një mrekulli në "Anfield" dhe mundi Barcelonën 4-0, që është një nga tronditjet më të mëdha që kemi parë ndonjëherë në Champions League. Në një atmosferë të pabesueshme në "Anfield", kuqezinjtë arritën të shënojnë deri në katër gola ndaj Barcelonës, e cila dukej krejtësisht e humbur gjatë gjithë 90 minutave dhe lojtarët e këtij klubi nuk mund ta besonin atë që po ndodhte me ta në Liverpul.

Mirëpo, këtë ndeshje e ka shënuar në veçanti një gol dhe ai për 4-0 në minutën e 79-të, i shënuar nga Divok Origi. Liverpuli kishte epërsi 3-0 në atë kohë, gjë që garantonte kohën shtesë, por më pas në minutën e 79-të, skuadra angleze arriti në mënyrë të jashtëzakonshme të befasonte mbrojtjen e Barcelonës dhe të shënonte golin e katërt.

Siç e dinë të gjithë tashmë, Trent Alexander-Arnlod ekzekutoi me shpejtësi goditjen nga këndi. Në qendër të vëmendjes ishte një djalosh që mblidhte topat i cili reagoi shkëlqyeshëm me shpejtësinë në shërbim të Arnold, pasi menjëherë ia kaloi topin Alexander-Arnold, gjë që e lejoi mbrojtësin e djathtë të Liverpulit të bënte atë që bëri më vonë.

Ai quhet Oakley Cannonie dhe tani është 15 vjeç, pjesë e moshave të Liverpulit. Pak ditë më parë ka treguar se është talent i madh duke shënuar tre gola kundër Ajaksit në Champions League për të rinjtë. Në fitoren e marrë 4-0, ky lojtar bëri përshtype, ndërsa në sezonin e kaluar shënoi 41 gola në të gjitha kompeticionet.