web counter
LEXO PA REKLAMA!

SHKARKO APP

App Store
Google Play

E fundit!

x

E bujshme nga Spanja, Luis Suarez pranë firmës me Milanin!

13 Korrik 2022, 19:47, Sport CNA

Luis Suarez më në fund duket se do të bëjë realitet ëndrrën e tij për të luajtur në Serinë A, por jo me fanellën e Juventusit siç tentoi të bënte dy vite më parë. Sulmuesi uruguaian pasi ka refuzuar ofertën e River Plejt për të luajtur në Argjentinë, duket se është pranë firmës me kampionët e Serisë A, Milanin, të cilët janë në negociata me lojtarin.

Sipas “AS”, palët janë shumë pranë akordit, por në garë së fundi ka hyrë edhe Monza e Silvio Berluskonit, i cili kërkon t’ia rrëmbejë nga duart lojtarin ish-klubit të tij. Menaxheri Marko Kirdemir, ishte ai që bëri të ditur situatën rreth futbollistit uruguaian.

“Jam në komunikim të vazhdueshëm me të, e di se çfarë ofertash ka marrë. Fenerbahçe kontaktoi direkt me të, i ofroi 6 milionë euro, por Suarez e refuzoi. Ai dëshiron të luajë në Itali dhe ka dy oferta. Njëra erdhi nga Monza. Nga aty mori një ofertë prej 4 milionë eurosh, por rroga e tij mund të rritet meqë ka vlerësim të lartë të të drejtës së imazhit”, theksoi menaxheri. Gazeta spanjolle insiston se oferta e dytë që ai nuk përmendi është pikërisht te Milani.





Lajmet e fundit nga