web counter
LEXO PA REKLAMA!

SHKARKO APP

App Store
Google Play

Dopingun e Palominos mund ta ketë shkaktuar gruaja e tij/ E gjitha, çështje kremërash

28 Korrik 2022, 11:52, Sport CNA

Pozitiviteti i Josè Luis Palomino ndaj substancës së ndaluar Clostebol ka tronditur mjedisin atalantin. Lojtari është pezulluar si masë paraprake nga Gjykata Kombëtare Antidoping dhe mund të kërkojë kundër-analiza brenda tri ditëve. Ai e deklaron veten të pafajshëm dhe të palidhur me faktet dhe po përpiqet të kuptojë se si arriti të marrë Clostebol, një substancë dopingu e përmbajtur edhe në kremrat rikuperues, si ato për rigjenerimin e indeve të lëkurës ose në një pomadë shëruese, si Trofodermin.

Kontrollet u bënë në befasi të plotë në Zingonia në fillim të muajit dhe rezultati ka ardhur vetëm tani. Palomino rrezikon 2 vjet në rastin më të mirë ose 4 vjet nëse demonstrohet qëllimi për të marrë substancën e paligjshme. Në rastin e Palominos, “faji” mund të ketë qenë padashje i bashkëshortes së tij Juline Allne Matthey ose vajzës së tij që mori pomadën shëruese me të cilën mbrojtësi argjentinas mund të ketë rënë në kontakt pa dashje.

Hetimet do të jenë të gjata, sigurisht që nuk do të ketë zhvillime para fundit të verës dhe për këtë arsye Palomino me siguri do të mungojë në javët e para të kampionatit. Lajm i keq edhe për Gasperinin, i cili humbet një nga shtyllat e tij difensive.





Lajmet e fundit nga