web counter
LEXO PA REKLAMA!

SHKARKO APP

App Store
Google Play

E fundit!

x

Do të ndryshojë skuadër, Broja në listën e Milanit

7 Qershor 2024, 12:04, Sport CNA

Do të ndryshojë skuadër, Broja në listën e Milanit

Emri i Armando Brojës, vazhdon të lakohet çdo ditë dhe me shumë në merkato. Sulmuesi do të largohet nga Chelsea dhe interesimet në drejtim të tij janë të shumta.

Sipas raportimeve të fundit nga Italia, në gjurmët e 22-vjeçarit është vënë edhe Milani. Klubi italian, është në kërkim të një sulmuesi dhe i pari në listë, është lojtari i Bologna-s, Joshua Zirkzee.

Megjithatë, afrimet në repartin e avancuar do të jenë dy dhe për këtë arsye, drejtuesit po shikojnë edhe për një alternativë tjetër.

Broja pëlqehet shumë nga kuqezinjtë, që sipas gazetarit italian, Nikolo Shcira, kanë kërkuar informacione te Chelsea .

Shqiptari nuk ka marrë ende një vendim për të ardhmen, pasi aktualisht është i fokusuar te Kombëtarja, për shkak se do të marrë pjesë në Europian.

Broja shpreson të lërë shenjë në kompeticionin madhor dhe më pas do të fillojë të mendojë skuadrën e re.

Sulmuesi mbylli një sezon me vështirësi të mëdha, teksa ishte pjesë e Fulham-it në huazim, aty ku shumicën e ndeshjeve i ndoqi nga stoli ose nga tribuna.

Milani nuk është klubi i vetëm që ka shfaqur interes për futbollistin kuqezi. Më herët, emri i Brojës, ka dalë edhe në klube si Monako në Francë, apo Wolves , Everton dhe West Ham në Angli.

Ditët pas Europianit, do të jenë të nxehta për sulmuesin, që duhet të zgjedhë ekipin ku do të vazhdojë karrierën e tij futbollistike.





Lajmet e fundit nga