web counter
LEXO PA REKLAMA!

SHKARKO APP

App Store
Google Play

Disiplina zbulon vendimet, dënim për Partizanin dhe Teutën

1 Shtator 2022, 15:15, Sport CNA
Disiplina zbulon vendimet, dënim për Partizanin dhe Teutën
Moment nga ndeshja Partizani-Laci

Komisioni i Disiplinës, ka zbuluar ditën e sotme vendimet e marra në lidhje me ngjarjet e fundit të ndodhura në futbollin shqiptar.

Partizani dhe Teuta janë dënuar me gjobë, 50 mijë lekë të rinj, për mosvendosjen e stemës së Kategorisë Superiore Abissnet, në mëngën e djathtë të fanellës së lojës.

Egnatia dhe Vllaznia, janë paralajmëruar për sjelljen e gabuar të tifozëve të tyre në ndeshjet e fundit.

VENDIMET:

KF Partizani, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50 000 (pesëdhjetë mijë) lekë. Në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Teuta, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50 000 (pesëdhjetë mijë) lekë.

KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Egnatia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

Rrëzimin e kërkesës së lojtarit të KF Tirana B U-19, Xhuliano Markoçi, si të pabazuar në Kodin e Disiplinës Sportive.





Lajmet e fundit nga