web counter
LEXO PA REKLAMA!

SHKARKO APP

App Store
Google Play

E fundit!

x

Dani Alvesh do të jetë në Katar për Botërorin, por në Brazil kanë nisur hetimet për të...

13 Nëntor 2022, 15:05, Sport CNA

Dani Alvesh, i cili do të jetë në Botërorin e Katarit me Brazilin, mund të përballet me disa probleme ligjore në të ardhmen e afërt. Anësori, sipas informacioneve të portalit 'ge.globo.com', do të hetohet nga Ministria Federale Publike (MPF) e vendit të tij për marrjen e 6.2 milionë realëve, nëpërmjet një OJQ-je, që nuk do të përmbushte të gjitha kërkesat.

Por ky nuk është i vetmi. Po hetohet edhe ish-futbollisti Emerson Sheik. “Dyshimi është se organizatat (OJQ-të) ishin joaktive dhe u morën nga lojtarët për të anashkaluar kërkesat ligjore për marrjen e fondeve publike”,- shkruan media braziliane, e cila siguron hapjen e hetimit më 7 nëntor, për të verifikuar parregullsi të mundshme në transferimin e këtyre parave.

I fokusuar në aspektin sportiv, Dani Alvesh, aktualisht lojtar i skuadrës meksikane të Pumas, do të luajë në Botërorin e tij të tretë në ditët në vijim. Mbrojtësi 39-vjeçar u fut më në fund në skuadrën e trajnerit Tite, i cili arsyetoi praninë e tij në listë: "Kriteret janë të njëjta si për të tjerët: ndërthur cilësinë teknike individuale, forcën fizike dhe aspektin mendor. Në ekipin tim, mbrojtësit e krahut nuk luajnë thjeshtë si mbrojtës të krahut, ata janë konstruktorë dhe cilësia teknike që më ofron Dani është mbresëlënëse”.





Lajmet e fundit nga