web counter
LEXO PA REKLAMA!

SHKARKO APP

App Store
Google Play

E fundit!

x

Cristian Shpendi: Doja të bëhesha astronaut, Stiveni më i dashuruar se unë me futbollin

13 Nëntor 2024, 09:03, Sport CNA
Cristian Shpendi: Doja të bëhesha astronaut, Stiveni më i
Cristian Shpendi

Sulmuesi i kombëtares U-21 të Shqipërisë, i cili po shkëlqen me skuadrën e Cesena-s në Serie B, Cristian Shpendi, ka dhënë një intervistë për kanalet zyrtare të klubit italian, ku ka folur për shumë çështje.

Si fillim talenti kuqezi theksoi se për të fanella e Cesena-s është një krenari më vete.

“Veshja e fanellës së Cesena-s është një burim krenarie dhe përkatësie, sa herë që e vesh atë fanellë në dhomat e zhveshjes, ndihem sikur duhet të jap gjithçka për këtë qytet dhe për këta tifozë”, -tha ai si fillim.

Më tej, 21-vjeçari, i cili është golashënuesi më i mirë në Serie B, theksoi se po kalojnë javë shumë të mira sa u përket rezultateve.

“Për momentin jam mirë, ndihem shumë mirë dhe po kalojmë javë të mira me ekipin për shkak të rezultateve të marra”, -shtoi Shpendi.

Shqiptari tregoi edhe rrugëtimin e tij te Cesena, kur u bashkua me skuadrën italiane dhe si u bë vendimtar.

“Kam mbërritur te Cesena në vitin 2019, kam kaluar dy vjet në sektorin e të rinjve para se të bashkohesha me ekipin e parë në 2022. Kur dolëm keq në 'play-off' kundër Leço-s, ndoshta ishte pika më e ulët e aventurës sime këtu dhe prej andej vendosa të punoja më fort sepse ndjeva se duhej t'i jepja diçka më shumë Cesena-s. Isha i sëmurë atë verë, ndjeva peshën që nuk kisha dhënë atë që mundja dhe në kokën time u ndez dëshira për të dhënë diçka për tifozët dhe klubin. E vetmja gjë që mendova ishte të punoja 200% me mendjen për të nxjerrë më të mirën tek unë dhe sot mendoj se ishte rruga e duhur”, -deklaroi 21-vjeçari.

Ndërsa i pyetur për binjakun, Stivenin, që aktualisht luan për Carrarese-n, Cristiani u shpreh se i vëllai është më i dashuruar me futbollin.

"Ne kemi luajtur gjithmonë futboll edhe pse ai ishte më i dashuruari pas sportit. Kur shkonim të luanim me babanë tonë, ndonjëherë nuk doja të dal nga makina për ta bërë, nuk ishte qëllimi im i parë, më pëlqente të shikoja hënën dhe qiellin duke ëndërruar të jem astronaut, se ata që nuk kanë binjak, nuk mund ta kuptojnë, ne ndihemi si një”, -tha ndër të tjera Cristian Shpendi./CNA





Lajmet e fundit nga