web counter
LEXO PA REKLAMA!

SHKARKO APP

App Store
Google Play

Champions League/ 17 gola në 6 ndeshjet e mbrëmjes, ja të gjitha rezultatet

7 Shtator 2022, 23:04, Sport CNA

Bajern Mynih dhe Barcelona konfirmohen skuadrat favorite në grupin C të Ligës së Kampioneve. Me fitoret bindëse të mbrëmjes kundër Interit dhe Viktoria Plzen, gjermanët dhe skuadra e Ksavit konfirmuan pritshmëritë. Ndeshja e Milanos nuk pati histori sepse Bajern Mynih dominoi në çdo cep të fushës Interin që u duk se u fut i dorëzuar në fushën e lojës.

Leroi Sane me një gol të asistuar nga Kimish fillimisht dhe më pas sulmuesi gjerman detyroi D’Ambrozion ta shtynte topin në rrjetë më pas për një fitore të pastër dhe pa harxhuar shumë energji.

Në Spanjë, Barcelona në krahët e Levandovskit shkatërroi 5-1 Plzen me polakun e katalanasve që shënoi tri herë në portën e skuadrës çeke, duke u konfirmuar njeriu i momentit te Barcelona.

Surpriza e madhe e mbrëmjes erdhi nga stadiumi “Maradona” ku Napoli gjeti në një moment të keq Liverpul duke i shënuar 4 gola, tre nga të cilët në pjesën e parë. Në krahun tjetër, Luis Diaz mbajti lart flamurin e skuadrës së Klopp në krizë rezultatesh.

Ne grupin D, Totenhem nuk u ndal as nga Marseja duke siguruar një tjetër fitore bindëse. 2-0 triumfoi skuadra e Kontes me gola të Richarlison.

Në grupin B, Klyb Bryzh shtangu Bajern Leverkusenin me rezultatin 1-0, ndërsa Atletiko Madrid arriti një fitore dramatike ndaj Portos me rezultatin 2-1. Të 3 golat u shënuan në shtesë. 

Plot 17 gola të shënuar në ndeshjet e mbrëmjes.

Champions League/ 17 gola në 6 ndeshjet e mbrëmjes, ja të gjitha





Lajmet e fundit nga