web counter
LEXO PA REKLAMA!

SHKARKO APP

App Store
Google Play

E fundit!

x

Broja me skuadër të re për sezonin e ardhshëm, zbulohen dy klubet që e duan

11 Prill 2024, 15:04, Sport CNA

Broja me skuadër të re për sezonin e ardhshëm, zbulohen dy

Armando Broja bëri një lëvizje të rëndësishme në merkaton e janarit, duke u larguar nga Chelsea, për të kaluar te Fulham, por ky transferim nuk ka shkuar ashtu siç ishte menduar nga të gjithë.

Sulmuesi shqiptar nuk po gjen hapësirat e dëshiruara dhe për këtë arsye do të kthehet te blutë pas përfundimit të sezonit.

Trajneri Marco Silva nuk e ka në planet e tij dhe shpeshherë në këtë sezon, e ka lënë në tribunë, duke mos e grumbulluar as me ekipin.

22-vjeçari do të rikthehet te Chelsea, por as aty nuk pritet të qëndrojë gjatë. Drejtuesit kanë vendosur ta largojnë dhe presin oferta në verë.

Sipas mediave angleze, te Chelsea kërkojnë 50 milionë paund për Brojën, shifër kjo shumë e lartë, por mund të pranojnë ta shesin edhe për të paktën 30 milionë paund.

Interesimet për shqiptarin nuk mungojnë, pasi janë dy klube të Premier League, që e kërkojnë me ngulm. Bëhet fjalë për londinezët e West Ham dhe Crystal Palace. Këta të fundit, nuk kanë ndërmend të ofrojnë më shumë se 20 milionë paund, ndërsa oferta e Ëest Ham, pritet të jetë më e lartë.

Shqiptari është një dëshirë e madhe e trajnerit David Moyes dhe drejtuesit do të tentojnë t’ia afrojnë në merkaton e verës. Megjithatë çmimi i Brojës, mund të rritet pas Europianit të verës.

Broja është opsion për tu përfshirë në listën e kombëtares shqiptare nga trajneri Silvinjo për turneun që do të mbahet në Gjermani, aty ku shpreson të lërë shenjë.





Lajmet e fundit nga