web counter
LEXO PA REKLAMA!

SHKARKO APP

App Store
Google Play

E fundit!

x

Bajerni bën ofertën e fundit për Kejn, i vendos ultimatum Totenhemit deri në…

5 Gusht 2023, 10:12, Sport CNA

Bajerni i Mynihut ka dorëzuar ofertën e tyre përfundimtare për Herri Kejnin dhe kishte vendosur një afat deri në orën 00:00 të mesnatës për Totenhemin që të pranonte ofertën e tyre. Kampionët e Gjermanisë janë favoritë për të nënshkruar me sulmuesin anglez, por deri tani kanë parë një ofertë prej 85 milionë paundësh të refuzuar nga presidenti i “Spërsave”, Daniel Levi.

“Sky Germany” zbuloi se gjigantët e Bundesligës bënë një ofertë që i kalonte 86 milionë paundët, duke përfshirë edhe bonuset. Londinezët kërkojnë një shifër pranë 100 milionë sterlinave për golashënuesin më të mirë të historisë së tyre, por sipas “Daily Telegraph”, bavarezët do të largohen nga tavolina e bisedimeve dhe do të shqyrtojnë objektiva të tjera nëse një marrëveshje nuk formalizohet së shpejti.

Nëse Kejn nuk arrin të sigurojë transferimin e tij në Gjermani, ai pritet që të qëndrojë edhe vitin e fundit të kontratës së tij me klubin dhe të largohet me parametër zero verën e ardhshme.

Të dy klubet, por edhe vetë kapiteni i Anglisë, duan që situata të zgjidhet brenda javës së ardhshme, përpara se Totenhemi të nisë sezonin e ri të Premier Ligës në transfertë me Brentfordin.

Trajneri i Bajernit, Tomas Tuhel, vendosi sulmuesin 30- vjeçar të parin si objektivin e tij në fillim të verës, por nëse një marrëveshje nuk arrihet në orët e ardhshme, klubi gjerman do të kërkojë një tjetër sulmues. Për të gjetur numrin e tyre të ri 9, gjermanët ishin gati që të vendosnin rekordin e tyre për transferimin e një lojtari.

 





Lajmet e fundit nga