web counter
LEXO PA REKLAMA!

SHKARKO APP

App Store
Google Play

Asllani i tregon Theos dhe Tonalit si kontrollohet topi dhe si bëhet spektakël

18 Janar 2023, 23:36, Sport CNA

Interi mposhti 3-0 Milanin në finalen e Superkupës së Italisë, duke fituar trofeun për herë të dytë radhazi dhe herë të shtatë në histori, po aq sa rivalët e Milanit. Zikaltrit e Simone Inzaghit dominuan kampionët e Italisë dhe nuk e vendosën në asnjë moment në diskutim fitoren.

Interi e nisi ndeshjen në sulm dhe e pa veten në avantazh të dyfishtë brenda 21 minutave. Federico Dimarco zhbllokoi takimin (10’) pas një asisti nga Nicolo Barella, ndërkohë që Edin Dzeko realizoi një gol të bukur, pasi kreu një driblim dehës ndaj Sandro Tonalit.

Goli i tretë ishte edhe më i bukur. Minuta e 77’, stopim i bukur dhe rrotullim ndaj Fikayo Tomorit nga ana e Lautaro Martinez, i cili mposhti portierin Tatarusanu me një gjuajtje plot klas. Milani bëri gjithçka keq dhe e meritoi humbjen, ndërkohë që Interi nisi festën në stadiumin “King Fahd International Stadium”, Riad, Arabia Saudite.

Ka një medalje edhe për Kristjan Asllanin, që u aktivizua në minutën e 84-t dhe qëndroi në fushë deri në fund, duke dhënë kontributin e tij në menaxhimin e lojës, ndonëse llogaritë e rezultatit ishin mbyllur.

Mesfushori 20-vjeçar u bë protagonist në minutat shtesë, pasi doli me shpejtësi në krah për të mbështetur sulmin e shokëve të tij dhe tregoi të gjithë aftësitë teknike ndaj dy kundërshtarëve, Theo Hernandez dhe Sandro Tonali, para se të pasonte saktë në krahun tjetër.SHIH MOMENTIN

Kristjan Asllani iu bashkua Interit verën e kaluar, në një operacion që kapi vlerën e 20 milionë eurove në total dhe nuk është ende një titullar, por së fundi po rrit minutazhin e tij, falë edhe paraqitjeve mjaft të mira.





Lajmet e fundit nga