web counter
LEXO PA REKLAMA!

SHKARKO APP

App Store
Google Play

Vieri nuk ndal talljet: Alegri ka 20 kampionë që s’dinë çfarë të bëjnë në fushë

18 Janar 2023, 19:37, Sport CNA

Kristian Vieri, ish-sulmuesi i Juventusit dhe jo vetëm, i intervistuar nga “Gazzetta dello Sport” ka kritikuar paraqitjen e deritanishme të skuadrës së Masimiliano Alegrit dhe mbi të gjitha të vetë trajnerit livornez.

“Alegri, kështu nuk shkon. Ke aq shumë kampionë në grup, 20 apo më tepër, por që nuk dinë të bëjnë asgjë në fushën e lojës. Juventusi regjistroi 8 fitore radhazi, është e vërtetë, por të mos harrojmë gjithashtu që skuadra e Alegrit është më shumë sesa thjesht e fortë. Në futbollin e sotëm nuk mund të flasim vetëm për arritjen e rezultatit dhe në fund të jemi të gjithë të lumtur, pasi vetëm kjo vlen.

Ky diskutim vlente 20-30 vite më parë, por sot jo, nëse po flasim gjithmonë për Juventusin, një ndër klubet më të mira në botë dhe me më influencë.

Renditja shpëton sezonin? Duke marrë parasysh vlerën e grupit të lojtarëve dhe të kampionëve që Alegri stërvit, absolutisht jo. Sepse edhe po të duan nuk mund të qëndrojnë në vendin e fundit. Unë kam mendimin se çështja e dëmtimeve del në skenë vetëm kur gjërat nuk shkojnë. Është e vërtetë që në Napoli Juvja nuk kishte Pogbanë dhe të tjerë, por këto mungonin edhe kur skuadra po fitonte”, theksoi ish-futbollisti.





Lajmet e fundit nga