web counter
LEXO PA REKLAMA!

SHKARKO APP

App Store
Google Play

E fundit!

x

Arritje të mëdha me Interin, katër klube duan trajnerin Inzaghi

27 Shkurt 2024, 16:57, Sport CNA

Puna e mirë e trajnerit Simone Inzaghi me Interin, ka tërhequr vëmendjen e katër klubeve me peshë të kontinentit. Sikurse përcillet nga mediat përtej detit, Manchester United dhe Chelsea kanë nisur të mendojnë për teknikun italian.

Madje, është mësuar gjithashtu se klubet në fjalë mund t’i ofrojnë Inzaghit deri në 9 milionë euro në sezon. Po ashtu, një sy nga ish-timonieri i Lazios kanë nisur ta mbajnë edhe Liverpool, bashkë me Barcelonën, me këto dy të fundit që në fund të sezonit do të mbeten pa trajnerë, duke qenë se Jurgen Klopp dhe Xavi Hernandez do të largohen nga pozicionet përkatëse. Se ç’do të ndodhë në këtë situatë, kjo mbetet për t’u parë, por Interi nuk dëshiron në mënyrë absolute që Inzaghit të largohet.

Në sezonin e tretë në krye të skuadrës, në kampin zikaltër janë mëse të kënaqur nga puna e 47 vjeçarit, kontrata e të cilit përfundon në verën e 2025-tës. Sikurse bëhet me dije, Interi ka gati një rinovim të kontratës me trajnerin në fjalë, por propozimi pritet të bëhet public në përfundin të sezonit, sepse për momentin klubi është përqendruar në edicionin actual.

Si fillim, duhet siguruar titulli kampion, që do të ishte njëkohësisht edhe ylli I dytë në fanellë, e më pas do të diskutohet për rinovimin e Inzaghit. Në fakt, çështja e yllit të dytë duket thjesht çështje kohe, sepse Interi është duke e dominuar kampionatin Italian, teksa në 25 ndeshje, kryeson me 66 pikë, 9 më tepër sesa Juventusi I vendit të dytë. Diferencë mund të thellohet në 12 pikë, nëse Interi fiton takimin e prapambetur që ka me Atalantën në San Siro.





Lajmet e fundit nga