web counter
LEXO PA REKLAMA!

SHKARKO APP

App Store
Google Play

E fundit!

x

Arrihet marrëveshja, Mourinho në drejtimin e dy shqiptarëve

19 Maj 2024, 11:37, Sport CNA

Arrihet marrëveshja, Mourinho në drejtimin e dy shqiptarëve

Jose Mourinho është i papunë prej disa muajsh, kur u shkarkua nga drejtimi i Romës. Megjithatë, pushimi duket se nuk do të zgjasë shumë për portugezin.

Tekniku 61-vjeçar, pritet të marrë drejtimin e skuadrës së Besiktas. Kjo u konifrmua nga vetë zëvendëspresidenti i klubit turk, Husen Jucel, i cili deklaroi se ka një akord në parim mes palëve.

Sipas tij, Besiktas dhe Mourinho, kanë gjetur gjuhën e përbashkët për anën financiare, ndërsa javën e ardhshme do të ketë një takim në Itali, ku do të vendoset përfundimisht.

Klubi turk kërkon të rikthehet te titulli kampion dhe Mourinho, duket si profili ideal, për ta bërë këtë.

Tekniku luzitan, para pak ditësh u lidh me një kalim të mundshëm te Fenerbahçe, por duket se marrëveshja nuk është arritur.

Nëse Mourinho merr drejtimin e Besiktas, nën urdhrat e tij do të kishte edhe dy lojtarë shqiptarë, Ernest Muçin dhe Milot Rashicën.

Sa i përket Muçit, e ardhmja te skuadra bardhezi, nuk është e sigurt, pasi flitet se mund të largohet në merkaton e verës.

Mourinho, me një karrierë të pasur në klube të mëdha, do të provojë eksperiencën e parë në Turqi, aty ku kërkon të lërë shenjë, siç ka bërë gjithmonë në çdo vend që ka shkuar.





Lajmet e fundit nga