web counter
LEXO PA REKLAMA!

SHKARKO APP

App Store
Google Play

E fundit!

x

Arbitri i Milan-Napoli kryqëzohet nga gazetarët pas ndeshjes: Turp të kesh, je i neveritshëm (VIDEO)

14 Prill 2023, 09:27, Sport CNA

Arbitri i Milan-Napoli kryqëzohet nga gazetarët pas ndeshjes: Turp

Çerekfinalja e parë e Ligës së Kampionëve Milan-Napoli shkoi për kuqezinjtë, të mërkurën në mbrëmje, të cilët fituan 1-0 në “San Siro”. Goli i Bennacer në fund të pjesës së parë vendosi fatin e kësaj ndeshjeje që i pa edhe blutë e Spalletti-t të kishin shanset e tyre, veçanërisht në fillim të lojës dhe në minutat e fundit.

Sidoqoftë, Kvaratskhelia dhe shokët e tij mëkatuan në cinizëm në momentin e duhur të ndeshjes, ndërsa kuqezinjtë duhet t’i thonë shumë faleminderit një Maignan të mrekullueshëm mes shtyllave.

Nëse këto raste nuk do të shfrytëzoheshin nga blutë në mbrëmjen e “San Siro"-s, megjithatë nuk mungoi “aftësia” e skuadrës së Spalletti-t për kartonët e verdhë shumë të rëndë të marrë nga Anguissa dhe Kim (për kamerunasin ishin dy, me pasojë përjashtimin me karton të kuq), të cilët do të qëndrojnë jashtë çerekfinales së kthimit, të martën e ardhshme në “Maradona”.

Dhe ishte pikërisht menaxhimi i kartonëve, sipas tij, jouniformë mes dy skuadrave, që u bë objekt i akuzave të Spalletti-t pas ndeshjes, i kompletuar me një shkëmbim të zjarrtë pikëpamjesh me Paolo di Canio në mikrofonat e “Sky”.

Nga kartoni i verdhë i munguar te Leao për shkelmimin dhe copëtimin e flamurit të këndit (“dhe ti vjen të më tregosh për kartonin e verdhë të Kim”), te “metri” i ndryshueshëm që rumuni Istvan Kovacs do të kishte adoptuar, sipas Spalletti-t, në gjykimin e kartonëve të verdhë të dhënë ndaj Anguissa dhe Zielinski në krahasim me atë të kursyer për Krunic.

Gjithë “karburanti në zjarrin” e keqardhjeve të bluve, edhe nëse jemi vetëm në gjysmë të një raundi 180-minutësh dhe gjithçka mbetet për t’u luajtur në Napoli. Megjithatë, jo vetëm Spalletti kishte diçka për t’u ankuar për punën e Kovacs, por edhe një çift gazetarësh napolitantë që prisnin që “bilbili” rumun 38-vjeçar të kalonte në zonën mikse, pas ndeshjes.

Ankesat e tyre ishin edhe më të gjalla se ato të trajnerit toskan. Në një video që kap gjithë skenën, Kovacs shihet duke u kritikuar: “Ja ku është”. Më pas vijojnë një sërë akuzash të shqiptuara me zë të lartë nga të dy gazetarët: “Ndeshje e keqe! Ndeshje e keqe, shumë keq!”. Dhe përsëri: “Turp! Turp! Je i neveritshëm!”

Nuk mbaron me kaq, sepse pas Kovacs vjen Roberto Rosetti, president i Komisionit të Arbitrave të UEFA-s. Protestuesit kanë disa edhe për të: “Ndeshje e keqe Rosetti! Ndeshje e keqe Rosetti, turp të kesh! Madje ke ardhur për ta parë vetë… Rosetti i Torinos, por çfarë prisnit”.

Dhe për ta mbyllur një çështje “të keqe”, e cila bëhet “më e keqe” duke bashkuar të gjithë aparatin evropian të arbitrazhit në gjykimin që u mblodh në “San Siro”. Një “Rosetti i mallkuar”, është epigrafi i mbrëmjes që duhet harruar për Napolin në “San Siro”…





Lajmet e fundit nga