E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Arabët i nxjerrin muskujt Europës, u rrëmbejnë një formacion yjesh

24 Qershor 2023, 16:51, Sport CNA

Një 11-she e pabesueshme yjesh do të rreshtohen në Arabinë Saudite sezonin e ardhshëm. Vendi i Lindjes së Mesme po nis një revolucion të vërtetë për të ndryshuar peshën e futbollit vendës në arenën ndërkombëtare duke bërë një shifër të lartë shpenzimesh në një përpjekje për ta bërë Ligën e tij Pro një nga kampionatet më të tërheqëse.

Kristiano Ronaldo ishte lojtari i parë që u largua nga Europa për në Arabinë Saudite, duke iu bashkuar Al-Nasrit në janar pas largimit nga Mançester Junajtidi. Portugezit, më vonë iu bashkua Karim Benzema, i cili vendosi kundër nënshkrimit të një marrëveshjeje të re me Real Madridin për t’u bashkuar me Al-Itihadin.

Nëse ish-shokët e skuadrës në “Bernabeu” do të bashkoheshin përsëri në një 11-she të Ligës Pro të Arabisë Saudite, ata do të krijonin një dyshe të frikshme. Atyre mund t’u bashkohet edhe Bernardo Silva, i cili është objekt i një tjetër klubi saudit.

Ylli portugez sapo ka ndihmuar Mançester Sitin që të fitojë tripletën dhe po shijon kulmin e formës së tij. Por portugezi nuk është asi i vetëm i Premier Ligës që së shpejti mund të luajë në Gjirin Persik.

Dyshja e Çelsit, Kallëm Hadson-Odoi dhe shoku i skuadrës, Hakim Zijeh, janë të dy të kërkuar nga klubet saudite, me transferimin tek Al-Nasri të këtij të fundit pothuajse të përfunduar.

Një tjetër ish-lojtar që luante në “Stamford Bridge” do të zinte me patjetër një vend në mesfushë: N’Golo Kante kompletoi një transferim me parametër zero tek AlItihad këtë javë.

Dhe francezit mund t’i bashkohet në zemrën e këtij formacioni ish-kapiteni i Uolvesit, Ruben Neves, i cili do t’i kushtojë 50 milionë paund Al-Hilalit.

Në mbrojtje ka edhe një tjetër lojtar të Çelsit si Kalidu Kulibali, gjithashtu i destinuar për t’u transferuar tek Al-Hilali, pasi ra dakord për një kontratë fitimprurëse.

Afrikani mund të luajë përkrah dy lojtarëve që janë pa kontratë si Met Doherti, i cili është në kërkim të një klubi të ri, vetëm gjashtë muaj pasi iu bashkua Atletikos nga Totenhemi.

Ndërsa Jerri Mina kërkohet nga skuadrat saudite pas largimit nga Evertoni. Pozicioni i portierit do të plotësohet nga Eduard Mendi. Senegalezi humbi balotazhin me Kepën për të qenë titullar i Çelsit sezonin e ardhshëm dhe pritet ta vijojë karrierën tek Al-Ahli.