web counter
LEXO PA REKLAMA!

SHKARKO APP

App Store
Google Play

Andrij Shevçenko zbarkon te Milani, zbulohet arsyeja e rikthimit

22 Shtator 2022, 10:32, Sport CNA

Andrij Shevçenko është rikthyer te Milani. Arsyeja nuk ka të bëjë me aspektin profesional. Misioni i ukrainasit tashmë dihet. Pas takimit me Levandovskin, ai po mundohet të sensibilizojë botën për luftën në Ukrainë.

Në ndihmë, dhe nuk kishte si të ndodhte ndryshe, i ka ardhur “Fondazione Milan”. Pas falënderimeve të rastit, Sheva dha edhe disa deklarata mbi aspektin sportiv.

“Futbolli italian është në rritje. Ka shumë konkurrencë të brendshme. Niveli i atletizmit dhe i intensitetit është rritur aq shumë sa që edhe ndeshjet janë bërë më të bukura. Sivjet shoh disa pretendente për titullin”, deklaroi bomberi, që mori si dhuratë edhe një fanellë me numrin 7.

Elozhe nga ana e Shevçenkos edhe për kampionët e Italisë. Në qendër të vëmendjes, puna e Piolit dhe arritja e titullit në sezonin e kaluar.

“Pioli ka bërë një punë të jashtëzakonshme. Kam respekt dhe admirim për të sepse ka mundur të transformojë një skuadër duke i dhënë bukuri lojës e duke fituar. Ishte shumë bukur të shihja Milanin që pas aq shumë vitesh të shpallej kampion. U kënaqa shumë duke parë milanistët nëpër botë që festonin titullin”, përfundoi deklaratën e tij ish-“Topi i Artë” dhe idhulli i një brezi të tërë tifozësh kuqezi.





Lajmet e fundit nga