web counter
LEXO PA REKLAMA!

SHKARKO APP

App Store
Google Play

650 mijë euro për sulmuesin, Partizani merr vendimin

26 Janar 2024, 10:57, Sport CNA

Partizani ka refuzuar një ofertë prej 650 mijë eurosh për sulmuesin Christian Mba. Sipas shtypit të shkruar, në tryezën e të kuqve ka mbërritur një ofertë nga klubi slloven, NK Celje, për sulmuesin nigerian. Kryesuesit e kampionatit slloven kanë ofruar 350 mijë euro direkt në arkat e kampionëve shqiptarë dhe 300 të tjera në formë bonusi për arritjet e lojtarit dhe klubit.

Partizani e ka refuzuar këtë ofertë duke u kundërpërgjigjur me një kërkesë prej 650 mijë eurosh direkt pa përfshirë bonuset, raporton shtypi i shkruar. “Demat” janë të mbipopulluar në sulm dhe drejtuesit janë të gatshëm të futen edhe në negociata për të ulur çmimin, por e gjitha mbetet për t’u parë.

Christian Mba erdhi me shumë bujë teksa u ble për 180 mijë euro nga Trepça ’89, por deri tani nuk ka dhënë më të mirën e tij, për shkak dëmtimesh që e kanë mbajtur gjatë jashtë fushës së lojës. E sigurt është që lojtari do të largohet pasi me Xhuliano Skukën në ekip, minutat do të reduktohen akoma më shumë.

Partizani ka një marrëveshje paraprake me Teutën për ta huazuar në Durrës së bashku me Prekën, por një ofertë e majme si kjo ua merr ‘mendjen’ të gjithëve.





Lajmet e fundit nga