web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat pritet të ulen nga mesjava/ Parashikimi i motit për ditët në vijim

24 Korrik 2023, 07:31, Sociale CNA

Temperaturat pritet të ulen nga mesjava/ Parashikimi i motit për

Kjo javë pritet të ketë një ketë një rënie temperaturash të shumëpritur, ndërsa sot temperaturat do të variojnë nga 19 gradë celsius në orët e para të mëngjesit, në 41 gradë celsius në qytete si Elbasani, Berati dhe Fieri.

Sipas Shërbimit Metereologjik Ushtarak për javën që presim përpara duket se vendi ynë do të përjetojë ditë përvëluese, por njëkohësisht nga mesi i javës vijnë dhe ditët e shumëpritura me rënie temperaturash deri në 36 gradë celsius.

Në këtë mënyrë për ditën e hënë dhe atë të martë moti parashikohet me diell në të gjithë territorin si dhe temperatura tepër të larta kryesisht përgjatë ultësirës perëndimore (ditët e fundit të valës së të nxehtit).

Më pas për ditën e mërkurë dhe atë të enjte mbi territorin e vendit tonë pritet depërtimi i një qendre të presionit të ulët me origjinë veriore. Në këtë mënyrë moti në pjesën më të madhe të këtyre dy ditëve parashikohet me diell, por edhe alternime vranësirash kalimtare. Vranësirat në orët e vona të mbrëmjes së ditës së mërkurë dhe orët e para të mëngjesit të ditës së enjte do të shoqërohen me reshje shiu të herëpashershme dhe intensitet të ulët. Për shkak të masave ajrore të ftohta me origjinë veriore pritet rënie e ndjeshme e temperaturave kryesisht në vlerat minimale, por edhe ato të mesditës (shih tabelën bashkëlidhur).

Dita e premte pritet te jetë me kushte të qëndrueshme atmosferike pasi nis depërtimi i Anticiklonit të Azoreve dhe hera-herës edhe ai afrikan. Moti parashikohet i kthjellët në të gjithë territorin si dhe temperatura mjaft të freskëta në vlerat minimale dhe normale në ato të mesditës./CNA.al





Lajmet e fundit nga