web counter
LEXO PA REKLAMA!

SHKARKO APP

App Store
Google Play

Shqiptari humbi jetën me tifozët e PAOK-ut/ Flet i afërmi: E morëm vesh nga lajmet, kishte ikur me furgon

28 Janar 2026, 12:22, Sociale CNA


I afërmi i tifozit të PAOK-ut, shqiptarit Vasil Palo, i cili humbi jetën tragjikisht së bashku me tifozë të tjerë nga një aksident i rëndë automobilistik, tregoi detaje të dhimbshme rreth aksidentit.

“Jam kushëriri i parë i babait të Vasilit. Ne e morëm vesh lajmin nga TV, e dhanë lajmet. Djali kishte lindur në Greqi. Djem të rinj, ndjekin ndeshjet, nuk e di çfarë ekipi ishte, pak e di, siç iknin me furgon ishin përplasur me një kamion edhe kjo është ngjarja. Jetonte në Greqi, i ati i kishte vdekur. Jetonte me motrën, me të ëmën.

Nuk kemi pasur shumë lidhje qëkur i vdiq i ati dhe e ëma u rimartua me një tjetër dhe ne nuk dimë se çfarë ndodhte andej, s’kanë ardhur ndonjëherë këtu në Shqipëri ata.

Pavarësisht se ne nuk kemi pasur lidhje, se siç ikën, se ne nuk shkonim dot se nuk kemi as kartat, pasaportat që të shkojmë. Duke qenë se kushëriri ka vdekur, mbyllen shumë gjëra, nuk e dimë, se e ëma u martua. Ka gati 10 vite i ati i ka vdekur, ku djali ishte rreth 13-14 vjeç.

Ishin emigrantë në Greqi. Nga Korça është edhe e ëma, të gjithë nga Korça dhe siç ikin shqiptarët. Andej kanë lindur edhe djali edhe vajza. Fat i keq, fatkeqësi e madhe”,-tregoi i afërmi Thomaq Ninka. 

Vasil Palo humbi jetën në mënyrë tragjike nga një aksident së bashku me tifozë të tjerë të PAOK FC në një udhëtim drejt Lionit./CNA

 

 

 





Lajmet e fundit nga