web counter
LEXO PA REKLAMA!

SHKARKO APP

App Store
Google Play

E fundit!

x

Mendja dhe organizmi i adoleshentit

26 Qershor 2023, 16:16, Sociale Lira Gjika

Mendja dhe organizmi i adoleshentit

Që të dy, mendja dhe organizmi, janë të reja. Dhe si të tilla janë të pagërshetuara me njëra-tjetrën dhe nuk kanë sinkronizimin e të rriturit.

E megjithatë adoleshentët janë rritur aq sa të kenë një fjalë të tyren, të kenë një botë emocionale të tyren, që duhet përkujdesur dhe ndihmuar që të “ajroset” nëpërmjet dialogut me të rriturin dhe jo të mbahet nën fre dhe të shtypen ndjesi të ndryshme.

Të mira, apo të mërzitshme, apo të bezdisshme, ato e kanë një vlerë dhe po t'i zhillosh ato marrin vlerën, që ka veti mendimi t'u japë ndjesive në veçanti dhe sferës emocionale në përgjithësi.

Pikërisht organizimi i mendjes lidhet direkt me aftësinë për të menduar.

Të mendosh do të thotë, pasja e mundësisë për të zhvilluar atë botë që ekziston brenda vetes dhe vendosja e saj në kontakt me botën jashtë vetes. Mendimi realizon kontaktin brenda-jashtë.

Një nga detyrat e të rriturit, por dhe e shkollës, është t’i krijojë mundësi adoleshentit, që të mund të mendojë dhe të realizohet si person. Të ketë një fjalë të tijën për të “shkuar” më tej. Të dijë të përdorë fjalët e të tjerëve për të rritur fjalën e vet.

Nuk ekziston ndarje tjetër ndërmjet njerëzve përveç asaj të të menduarit; njerëz që dinë të mendojnë dhe njerëz që nuk dinë të mendojnë. Të ndihmojmë, që adoleshentët të bëhen të tillë njerëz, që dinë të mendojnë, pra persona.





Lajmet e fundit nga