E fundit!

13:27 Aktualitet

Shtyhet seanca në GJKKO/ Erion Veliaj mbetet në burg

Gjykata e Posaçme kundër Korrupsionit dhe Krimit të Organi...

Censi, divorcet kulmojnë në moshën 40-50 vjeç

2 Korrik 2024, 07:18, Sociale CNA

Censi, divorcet kulmojnë në moshën 40-50 vjeç

Foto ilustruese, marrë nga Google

Në vitin 2023, Censi i popullsisë dhe banesave gjeti mbi 34 mijë persona në vend me statusin i divorcuar.

Divorcet sipas grupmoshave tregojnë se shumica e divorceve kulmojnë në grupmoshën 40-50 vjeç (shiko tabelën dhe grafikun e mëposhtëm).

Shumica e popullsisë prej 54,9% rezulton e martuar, 36.6% beqarë, ndërsa 7,0% e popullsisë i/e ve dhe 1,4% të divorcuar ose të ndarë.

Statusi martesor lidhet në mënyra të ndryshme me shëndetin e njerëzve, lindjen e fëmijëve, pjesëmarrjen në forcën e punës dhe mirëqenien e përgjithshme, dhe është një variabël i rëndësishëm në analizën e ndryshimeve demografike dhe sociale.

Gjithashtu, referuar popullsisë së divorcuar ose të ndarë, femrat zënë 58,9%, ndërsa në popullsinë që nuk është martuar kurrë (beqare), 55,7% janë meshkuj, përqindje kjo më e lartë edhe për shkak të moshës më të vonshme mesatare të martesës së tyre.

Një barazi gjinore mund të vërehet për popullsinë e martuar. Megjithatë, nga analizimi i shpërndarjes gjinore dhe moshore të popullsisë së martuar, vihet re një përqindje më e lartë e femrave në grupmoshat më të reja, për shkak të moshës më të hershme të martesës së tyre.

Të dhënat tregojnë se deri në moshën 30 vjeç, përqindja e individëve beqarë është më e lartë. Pas moshës 30 deri në 85 vjeç, rritet përqindja e personave të martuar, duke arritur pikun me rreth 88% në grupmoshën 45-64 vjeç. Pas moshës 65 vjeç e lart, përqindja e individëve të ve, ka një rritje të konsiderueshme.

Në vitin 2020, Shqipëria kishte 6.16 martesa për një mijë banorë, pothuajse dyfishi i normës mesatare të Bashkimit Evropian prej 3.2.

Në Shqipëri, në vitin 2020 u regjistruan 1.5 divorce për një mijë banorë.

Në Rajon, Shqipëria zuri vendin e parë. Normën më të ulët të divorceve në rajon e ka Kosova, me 0.5 për një mijë banorë dhe më të lartën pas nesh Mali i Zi, me 1.3.

Kosova ka dhe normën më të ulët të divorceve në gjithë Evropën. Kosova mban dhe rekordin e martesave në Evropë, me 9.8 martesa për një mijë banorë (viti 2019)./Monitor