web counter
LEXO PA REKLAMA!

SHKARKO APP

App Store
Google Play

Pediatri: Më të prekur me infeksionet respiratore, fëmijët nën 7 vjeç

5 Shkurt 2024, 12:20, Shëndeti CNA
Pediatri: Më të prekur me infeksionet respiratore, fëmijët
Mjeku pediatër, Bektash Mandi

Në stinën e virozave, vijojnë të jenë jo të pakta rastet me infeksionet respiratore.

Mjeku pediatër, Bektash Mandi ka treguar se minimalisht paraqiten 30 raste në ditë dhe më të prekur rezultojnë fëmijët nën moshën 7-vjeçare.

“Problemin më të madh e kanë fëmijët nga 1-7 vjeç sepse në moshën 7-vjeçare bëhet maturimi i pemës bronkiale dhe sistemi imunitar bën formatimin e plotë dhe preket sistemi imunitar dhe nga 7 vjeç e lart janë fëmijë që e frekuentojnë gjithnjë e më rrallë ambientet e insititucioneve shëndetësore, por në këtë periudhë kemi pasur nga të gjitha grupmoshat nga fëmijët e kopshteve, çerdheve, shkollave 9-vjeçare dhe gjimnazeve”, u shpreh ai për mediat.

Më tej, Mandi iu drejtua prindërve me një apel që të dërgojnë fëmijët në spital, në rastet kur e kanë temperaturën 39 gradë.

“Është një trend që ta mbaj 3, 4 apo 5 ditë, por problemi është se ato e mbajnë 3-4 ditë në banesë, por në momentin që fillon klinika të paktën 3 ditë kanë kaluar. Periudha e inkubacionit e një virusi të zakonshëm shkon nga 24-72 orë. Mund ta mbash në banesë, mund të fillojë që në ditën e parë, por nëse temperatura shkon në 39 e lart është një temperaturë që nuk mund ta kontrollosh në banesë dhe duhet ta çosh në një institucion shëndetësor. Nuk mund ta mbash fëmijën në banesë me 39 sepse mund të japë një konvulsion febril, mund të lërë pasoja që fëmija do t’i vuajë gjithë jetën.”, theksoi mjeku pediatër./ CNA





Lajmet e fundit nga