web counter
LEXO PA REKLAMA!

SHKARKO APP

App Store
Google Play

Mjeku Sulçebe: Covid-19, shqetësues vetëm për moshat nën 15 vjeç

10 Janar 2023, 23:14, Shëndeti CNA
Mjeku Sulçebe: Covid-19, shqetësues vetëm për moshat
Mjeku imunolog, Genc Sulçebe

Mjeku imunolog, Genc Sulçebe, ka folur mbrëmjen e sotme për situatën shëndetësore në vendin tonë.

Sulçebe tha në emisionin e Eni Vasilit se Covid-19 nuk është më shqetësues në Shqipëri, pasi theksoi se 94% e popullatës kanë përgjigje imunitare ndaj tij.

Ai deklaroi se koronavirusi është shqetësues vetëm për moshat nën 15 vjeç, të cilët kanë më pak antitrupa.

“Thamë që janë 3 vite që viruset e tjera nuk kanë qarkulluar sepse kryesor ishte Covid dhe me mos përdorimin e maskave tashmë viruset qarkullojnë lirisht. Një virus nga tjetri nuk ka dallim në trajtim trajtohen njëlloj. Në vendin tonë Covidi nuk është më problem sepse 94 përqind e popullatës kanë një përgjigje imunitare nga koronavirusit. Pamë edhe një rritje të nivelit të anti trupave këtë vit. me kalimin e dy valëve të Omicronit, popullata jonë ka arritur një prag imuniteti të tufës dinamik që do të pengojë përhapjen e Covidit edhe nëse kemi një valë tjetër.

Më shqetësues është gripi. Përjashtim bëjnë fëmijët nën 15 vjeç, kanë regjistruar më pak anti trupa. Në këto nivele duhet të presim përhapje të Covidit tek ta. Nëpër shkolla duhet testim për Covid për të parandalua përhapjen. Është momenti pas festave dhe njerëzit janë infektuar dhe kthehen në ambiente të mbyllura”, n2ënvizoi mjeku imunolog./ B.A. – CNA.al





Lajmet e fundit nga