web counter
LEXO PA REKLAMA!

SHKARKO APP

E fundit!

x

“Oborri i tingujve”/ Mësues Lekë Jakova vijon traditën e koncerteve në oborrin e tij

11 Qershor 2025, 16:46, Qyteti im CNA

“Oborri i tingujve”/ Mësues Lekë Jakova vijon

Për të tretin vit radhazi, mësuesi i pianos Lekë Jakova ka zgjedhur që oborrin e tij ta kthejë në simfoni tingujsh. Në  skenën e improvizuar, interpretuan 29 nxënës të kursit të pianos.

“Oborri i tingujve”/ Mësues Lekë Jakova vijon

“Sot për të 3-in vit me radhë, organizojmë koncertin bashkë më gruan time. E kemi titulluar 'Oborri i tingujve'. Është një kënaqesi për ne sepse është mundi i gjithë vitit shkollor dhe sot performojmë muzikë klasike, me autorë të mëdhenj si Mozart. Bëhët fjalë per fëmijë që vijnë për pasion e që e kanë me dëshirë. Janë rreth 29 fëmijë”,-tregon mësuesi Jakova.

Nxënësit e moshave të ndryshme interpretuan pjesë të përzgjedhura pianistike, duke demonstruar punën dhe përkushtimin e një viti të tërë. Publiku, i përbërë nga prindër dhe mësues, duartrokiti me entuziazëm përformancat ndërsa emocionet më të sinqerta ishin ata që vinin nga vetë të vegjlit.

“Oborri i tingujve”/ Mësues Lekë Jakova vijon

“Kisha një pëlqim shumë të madh për muzikën. Duke parë gjithë pianistët e mëdhenj, edhe unë kam dëshirë të bëhëm pianiste”,-shprehet një nga nxënëset.

"Më ka pëlqyer piano qëkur isha i vogël. Kam dëshirë të interpretoj në skenën botërore”,-thotë një prej nxënësve.

Ky koncert synon të afrojë të rinjtë me artin, duke u krijuar një hapësirë joformale për të shfaqur talentin dhe pasionin për muzikën klasike./CNA





Lajmet e fundit nga