web counter
LEXO PA REKLAMA!

SHKARKO APP

App Store
Google Play

Zgjedhja e Avokatit të Popullit/ Balla: PS nuk ka sot një emër për ta mbështetur

3 Nëntor 2025, 12:10, Politikë CNA

Zgjedhja e Avokatit të Popullit/ Balla: PS nuk ka sot një emër

Kryetari i Krupi Parlamentar të Partisë Socialiste, Taulant Balla, ka mbajtur një konferencë për mediat, ku ka folur për Avokatin e Popullit.

Balla ftoi të gjthë ata qytetarë që plotësojnë kushtet, të shprehin interes deri në orën 00:00 të ditës së sotme, kur përfundon dhe afati i aplikimeve.

Ditën e nesërme, publikohet lista e personave që kanë shfaqur interes, bëri me dije kreu i grupit të PS-së. Më pas lista i shkon komisionit përgjegjës.

Sa i përket një preference nga ana e socialistëve, Balla tha se PS sot nuk ka ende një emër për ta mbështetur.

 

“Prej tri vitesh, nga përfundimi i mandatit të avokatit aktual nuk është zgjedhur pasardhësi. Ligji thotë 30 ditë nga përfundimi i mandatit të zgjidhet Avokati i ri. U kujtoj të gjithë qytetarëve shqiptarë që plotësojnë kriteret, deri sot në orën 00:00 kanë të drejtën të shprehin interes. Prej nesër Kuvendi i Shqipërisë do të publikojë dhe listën e personave që kanë shprehur interes. Lista i shkon komisionit përgjegjës. Propozimi im është që ajo që nuk ka ndodhur në këto 3 vite, qoftë në Kuvend, qoftë në komision, si ta mendojë opozita, të ulemi dhe të zgjedhim Avokatin e Popullit.

PS nuk ka sot një emër për ta mbështetur. Fokusi i mesazhit sot duhet të jetë për 3 grupet parlamentare të opozitës. Kur të mblidhet komisioni përgjegjës për kandidaturat, propozimi im është institucionalizmi i një marrëveshjeje pozitë-opozitë”, deklaroi Balla.





Lajmet e fundit nga