E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Vizita e Ramës në Berat/ Reagon kryetari i degës së PD-së: Premtoi arrogancë dhe mospërfillje

6 Shtator 2022, 22:59, Politikë CNA

Vizita e Ramës në Berat/ Reagon kryetari i degës së

Kryeministri Edi Rama dhe kryebashkiaku i Beratit, Ervin Demo

Kryetari i degës së PD-së së Beratit, Shyqyri Dura, ka reaguar me tone të ashpra pas vizitës së kryeministrit Edi Rama në Berat.

Me anë të një statusi në rrjetet sociale, Dura thotë se Rama dhe kryebashkiaku i Beratit, Ervin Demo, shëtitën me mospërmbajtje premtimesh, arrogancë dhe mospërfillje.

Ai deklaron se në 12 tetor 2020 Demo e filloi investimin në parkimin nëntokësor në Berat, duke shpallur fituese një firmë, e cila nuk ka përfunduar projektin, edhe pse është 17 muaj me vonesë.

“Kryeministri dhe 'Plagjatura' e tij sot shëtitën në Berat duke shitur mend me mospërmbajtie premtimesh. Në 12 tetor 2020 'Plagjatura' e Kryeministrit filloi investimin në parkimin nëntokësor në Berat duke shpallur fituese një firmë e cila do ta mbyllte projektin për gjashtë muaj, dhe ende sot pas 23 muajsh nuk ka përfunduar investimi , por shohim vetëm arrogancën e tyre. Arroganca e Kryeministrit i tha Plagjaturës së tij se nuk ka problem për mosmbylljen në kohë të punimeve/ premtimeve, pasi vetë ai ka 9 vite që nuk ka përmbushur premtimet e tij. Plagjatori i fshehur si Struci në një pseudobaypass, i cili ngec udhëtarët në një segment të përbashkët ndërmjet Urës së Varur dhe urës së Goricës duke bllokuar rrugën dhe krijuar trafik në këtë segment, dhe kjo shitet si zgjidhje madhore e trafikut rrugur por harrojnë ngecjen në segmentin e sipër përmendur.

Të dy së bashku i premtuan qytetarisë Beratase Arrogancë dhe mospërfillje. Ata folën për projekte të filluara dhe asnjë të përfunduar ndërsa qytetarëve të tyre i kerkojnë taksat në kohë dhe për cdo vonesë i ngarkojne me gjoba. Kryeministri dhe kopja e tij teksa ecnin në Urën e Varur shihnin projektin e Ishullit ne OSUM si premtimi i tyre elektoral i pambajtur por harruan qe disa mospermbajtie premtimesh do ngelen vulë ne karireren e tyre.Suksesi i tyre eshte Arroganca dhe mos mbajtie premtimi si mjeti qe I bene të futen në zyrë nga dera e pasme e saj. I bëj thirje qytetarëvë të mendojnë dhe të dënojnë me akte demokratike arrogancën e tyre.