E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Vendi prej muajsh i mbuluar nga plehrat/ Shehi-Ramës: Ik pastro Shqipërinë!

17 Mars 2025, 18:45, Politikë CNA

Vendi prej muajsh i mbuluar nga plehrat/ Shehi-Ramës: Ik pastro

Kryetari i Lëvizjës për Zhvillim Kombëtar, Dashamir Shehi përmes një postimi në rrjetet sociale ka denoncuar situatën kaotike me mbetjet urbane që prej muajsh kanë shkaktuar problematika të shumta në të gjithë vendin.

Shehi i ka bërë thirrje kryeministrit Edi Rama të pastrojë plehrat në rrrugët e vendit pasi siç shprehet ai në 150 km rrugë nuk kishtre as 100 m rrugë të pastër.

Kreu i LZHK-së i bën apel Ramës që fondet t'i përdorë për fushatën e pastrimit dhe jo për atë elektorale, sepse ndikojnë te turizmi

"Po ju them dy fjalë për një gjë që besoj e keni parë të gjithë. Sapo u ktheva nga Korça dhe Pogradeci janë gati 150 km rrugë dhe nuk pashë 100 metra që mos ketë plehra. Anash rrugës e gjuthë Shqipëria është një kosh i madh plehrash që është turp i madh për sytrë tanë jo se ndoshta ne jemi mësuar, por për ata që do vijnë për verë, turizmi që flasim me zhurmë të madhe.

Prandaj po i them në radhë të parë z. kryeministër që mëngjes për mëngjes na thotë nga ato bukuritë e mëdha të Shqipërisë: Ik pastro Shqipërinë! Anët e rrugës të paktën se pastrohet gjithë Shqipëria, është një punë titanike.

Shtretërit e lumenjve, nuk po t’i kërkojmë, pastro rrugët anash që kur të vijnë të huajt në rrugë do kalojnë.

Se çfarë do vendosësh se pate vënë një herë ushtrinë, do vendosësh bashkinë apo para shtesë, mos i harxhoni paratë për fushatë, harxhojini për fushatën e pastërtisë, do t’i bësh nder të madh Shqipërisë", shprehet Shehi./

Problematika me mbetjet urbane në shumë bashki është krijuar për shkak të mosfunksionimit të inceneratorëve, të cilët marrin qindra mijëra euro në vit nga taksat tona dhe konsiderohet si afera më e madhe e dekadave të fundit./CNA