web counter
LEXO PA REKLAMA!

SHKARKO APP

App Store
Google Play

E fundit!

x

“Strukturat në PD janë ku thërret qameti”/ Sula: Kandidatët e vetëshpallur për Bashkinë Tiranë nuk kanë as votat e familjarëve

26 Shtator 2025, 19:13, Politikë CNA

“Strukturat në PD janë ku thërret qameti”/ Sula:

Ish-deputeti demokrat, Dashnor Sula komentoi sot situatën e opozitës teksa është hapur gara për drejtimin e Bashkisë së Tiranës.

Në një dalje televizive, Sula u shpreh kritik sa i takon përgatitjes së opozitës për këto zgjedhje, duke u ndalur tek emri për kandidat.

Sula kërkoi që opozita të mos bazohet vetëm te kandidatët e vetëshpallur, por të reflektohet dhe zgjidhet një emër me një të shkuar të pastër politike.

“Për fat të keq, situata në opozitë është sa tragjike, aq edhe komike. Duhet që të kishin projektuar se kush do të ishte kandidatura. Shikoni se kush janë të vetëshpallurit ata që s’kanë as votat e familarëve të tyre, kurse ata që janë të votuar nga qytetarët si Tabaku dhe Alimehmeti dhe figura të tjera jo. Dhe këta që pretendojnë që të vetofrohen ndodh për një arsye se e dinë që nuk fitojnë por thonë të vetëofrohemi ishalla kapim ndonjë gjë.

Po unë them se duhet parë e shkuara e kandidatit. Strukturat në PD janë ku thërret qameti, në 11 maj kjo ishte arsye që nuk morën vota, një parti që nuk ka një struktura nuk ka se di të marr, sepse janë ata që duhet që të punojnë, ndryshe nuk ke si të marrësh vota.

Berisha dhe drejtuesit e PD duhet që të reflektojnë dhe të mendojnë se si një parti hyn në zgjedhje për të mbijetuar dhe jo për të fituar. Si mund të thotë Berisha kemi të bëjmë me narkoshtet, atëherë ky rrëzohet me protesta dhe me votë dhe nëse ti shkon merr pjesë në zgjedhje përballë tij kjo nuk shkon. Nuk duhet që të shkon në zgjedhje vetëm me njerëz militantë, por duhet që të zgjerohet rrethi. Në atë parti nuk ka më meritokraci”,-tha Sula./CNA

 

 





Lajmet e fundit nga