web counter
LEXO PA REKLAMA!

SHKARKO APP

App Store
Google Play

E fundit!

x

SPAK i shkon për kontroll/ Veliaj tallet me pensionistët

15 Janar 2025, 14:58, Politikë CNA

SPAK i shkon për kontroll/ Veliaj tallet me pensionistët

GJKKO me kërkesë të SPAK-ut dhe prokurorëve Altin Dumani dhe Olsi Dado firmosi vendimin për ushtrim kontrolli në apartamentin 11/4 në godinën “Sky Tower” në kuadër të hetimeve për Erion Veliajn.

Kryebashkiaku Erion Veliaj me 4 akuza të rënda nga SPAK, korrupsion pasiv, korrupsion aktiv, fshehje pasurie dhe pastrim parash duket se do të tentojë deri në fund të hiqet sikur kjo histori nuk i përket dhe nuk “përton” të bëjë shfaqjet e radhës.

Pas kontrolleve nga BKH, për t'u kamufluar, Veliaj është tallur duke nxjerrë pensionistët e duke treguar për abonetë falas.

Ashtu siç gënjen mijëra studentë po përpiqet të tallet me SPAK-un duke gënjyer me mijëra pensionistë se sa mirë ka bërë që u dha atyre abonetë falas.

"Sot më vjen mirë që aboneja e përgjithshme falas vjen si një kontribut i Bashkisë së Tiranës për pensionistët, duke u kursyer atyre 192 mijë lekë në vit. Prandaj, mendoj se është një nga gjërat më të mira që kemi bërë”, tha Veliaj.

Edhe pse shpeshherë e ka theksuar se transporti falas është i pamundur në Tiranë, Veliaj duket se ka ndryshuar mendje, sigurisht i ndikuar edhe nga pozicioni ku gjendet në kërkim të ekzibicionit të radhës.

Megjithatë, premtimet me abone dhe sidomos të përsëritura, vështirë se do të japin efektin e pritur dhe të ëndërruar nga Veliaj, pasi prej kohësh kryetari i Tiranës ka humbur vetinë për të hipnotizuar masat./ CNA





Lajmet e fundit nga