web counter
LEXO PA REKLAMA!

SHKARKO APP

App Store
Google Play

“Rrugë e gjatë dhe sfiduese”/ Balluku: Shqipëria, partnere e besueshme ndërkombëtarisht

15 Janar 2025, 12:55, Politikë CNA

“Rrugë e gjatë dhe sfiduese”/ Balluku: Shqipëria,

U nënshkrua sot në Abu Dhabi Memorandumi i Bashkëpunimit për kuadrin e partneritetit strategjik për energjinë dhe infrastrukturën. Kjo është një marrëveshje trepalëshe ndërmjet Italisë, Shqipërisë dhe Emirateve të Bashkuara Arabe.

Të pranishëm nga shteti shqiptar ishin Kryeministri Edi Rama dhe zv.kryeministrja dhe ministrja e Infrastrukturës dhe Energjisë, Belinda Balluku. Marrëveshja u nënshkrua edhe nga Sultan Al Jaber, ministër i Industrisë dhe Teknologjisë së Avancuar të Emirateve të Bashkuara Arabe dhe kryetar i Masdar, si dhe Gilberto Pichetto Fratin, ministër italian i Mjedisit dhe Sigurisë Energjetike.

Shqipëria bëhet kështu partnere e besueshme ndërkombëtarisht, me vendet lider në sektorin elektroenergjetik.

"Ka qenë një rrugë e gjatë dhe sfiduese për të arritur sot në momentin kur Shqipëria bëhet partnere e besueshme ndërkombëtarisht, me vendet lider në sektorin elektroenergjetik, falë punës së palodhur dhe angazhimit maksimal të të gjithë skuadrës.

Nënshkruam në Abu Dhabi Memorandumin e Bashkëpunimit për kuadrin e partneritet strategjik trepalësh, për energjinë dhe infrastrukturën përkatëse, ndërmjet Italisë, Shqipërisë dhe Emirateve të Bashkuara Arabe.

Një bashkëpunim historik për realizimin e projekteve të energjisë së rinovueshme në shkallë gigavat në Shqipëri si dhe vendosjen e ndërlidhjes së transmetimit të energjisë elektrike Shqipëri - Itali, si pjesë e Korridorit të 8-të energjetik", shkruan Balluku. / CNA





Lajmet e fundit nga