web counter
LEXO PA REKLAMA!

SHKARKO APP

App Store
Google Play

Shqipëria hap “Giro d’Italia 2025”/ Rama: Jemi vendi i bekuar!

13 Janar 2025, 20:13, Politikë CNA
Shqipëria hap “Giro d’Italia 2025”/ Rama: Jemi vendi i
Kryeministri Edi Rama

Kryeministri Edi Rama ndodhet sot në Romë për ku mori pjesë në eventin dedikuar, “Giro d’Italia” një prej aktiviteteve më të famshme sportive në botë, ku Shqipëria u përzgjodh mes shumë kandidatëve për të bërë “La Grande Partenza 2025”-“Nisjen e Madhe 2025”, e cila do transmetohet drejtpërdrejtë në mbi 200 televizione të botës.

Kryeminisri Rama tha se etapat e garës do të jenë spektakolare pasi nxjerrin në pah natyrën e mrekullueshme të vendit.

Gjatë fjalës së tij Kryeministri theksoi se interesi i turistëve italianë për të vizituar Shqipërinë është rritur ndjeshëm vitet e fundit.

“Shqipëria është një vend i bekuar, në kuptimin që në një territor të vogël ka gjithçka, kemi shumë male, dy dete, shumë lumenj. Nga ky këndvështrim, këto tre etapa janë spektakolare pasi nxjerrin në pah një pjesë shumë të bukur të vendit dhe nga ana tjetër është e jashtëzakonshme, se është një mënyrë për të treguar Shqipërinë si në një film.
Dua të them me krenari se kur nisëm këtë rrugëtim të ri të rilindjes së vendit, numri i italianëve që vizitonin Shqipërinë ishte modest. Pastaj, vetëm vitet e fundit pati një rritje të madhe të numrit. Psh në 2023 arritëm në rreth 800 mijë turistë italianë që vizituan Shqipërinë, ndërsa vitin 2024 e mbyllëm me 1,4 milion vizitorë italianë, një dyfishim brenda një kohe të shkurtër.” 
 

Gara e famshme popullore, me një traditë 114 vjeçare, do të mbledhë në maj çiklistët më të mirë të botës në Tiranë, Durrës dhe Vlorës./CNA

 

 

 

 





Lajmet e fundit nga