web counter
LEXO PA REKLAMA!

SHKARKO APP

App Store
Google Play

E fundit!

x

Kamikazët e Metës në sulm ndaj Braimllarit

13 Janar 2025, 17:07, Politikë CNA

Kamikazët e Metës në sulm ndaj Braimllarit

Në një shkrim të postuar në rrjetet sociale Zëdhënësja e Kreut të Partisë së Lirisë, Ilir Meta, Jasmira Memelli ka sulmuar ish-nënkryetarin e kësaj force politike, Endrit Braimllarin.

Memelli në postimin e saj, e ka akuzuar Braimllarin si bashkëpunëtor të SPAK-ut, por ka zgjedhur të përdorë gjuhën e Metës, duke e quajtur sufllaqexhi ordinder që i ka shitur për të mbrojtur veten para SPAK-ut pas thirrjes së tij para organit të akuzës më 21 nëntor 2023.

"Një përgjigje për “sufllaqexhiun” e grupit kriminal të SPAK-ut: “21 Nëntori”!

Për herë të dhjetë në pak ditë, bashkëpunëtori i regjimit dhe i SPAK-u nga 21 nëntori 2023, Endrit Brahimllari, ka shpallur largimin nga Partia e Lirisë.

E vërteta është se ky “sufllaqexhi” ordiner, që gdhihej dhe ngrysej duke “u përbetuar” për besnikëri të përjetshme ndaj Ilir Metës, prej 1 viti e gjysëm nuk është më pjesë e asnjë strukture tone politike dhe as anëtar i Partisë së Lirisë në Këshillin Bashkiak të Tiranës.

Shkak janë firmat e tij të paligjshme dhe të pamoralshme, si dhe marrja peng nga SPAK, bashkë me të disa afërm të tij.

I kapur peng për shkak të firmave dhe veprimeve të papërgjegjshme, të parregullta dhe të pamoralshme, dhe tanimë i korruptuar deri në fyt, ky “sufllaqexhi” ordiner nga “zëri i qytetarëve” është kthyer në “një kërmill lëpirës”, në pritje për t’u kthyer në një përfitues të rëndomtë të zhvatjes së taksave të qytetarëve, a thua se “Rilindjes” nuk i mjaftojnë “sufllaqexhinjtë” e saj.

Nga një “besnik i jashtëzakonshëm” i Ilir Metës, Endrit sufllaqja tanimë është konvertuar edhe në një diversionit të ndyrë të SPAK-ut dhe të regjimit, që në bashkëpunim me të tjerë, prej një viti ka punuar kundër Partisë së Lirisë, i keqpërdorur në ekstrem nga “Rilindja” dhe Altin Dumani, siç po e dëshmon edhe vetë me zë e figurë.

Duke i uruar biznesmenit më të ri Endrit Brahimllari, bashkëjetesë të suksesshme me “Prindin 1” dhe “Prindin 2”, dhe sa më shumë të ardhura në biznesin e ri fitimprurës që ka hapur me lekët që ka vjedhur, i kujtojmë se ka për detyrim të paraqitet sa më parë pranë Partisë së Lirisë dhe të japë sqarime për parregullistë me financat që na la trashëgim, si dhe të dorëzojë mandatin e Këshilltarit që nuk i përket atij," thuhet në postimin e Memellit.

Zëdhënësja e Metës i ka kujtuar Endrit Braimllarit edhe postet e dhëna në ish-LSI e më pas në Partinë e Lirisë

"Endriti e di shumë mirë që as në ëndrrat e tij më të bukura nuk e kishte parë të bëhej deputet dhe të kryesonte listën e këshilltarëve bashkiakë! Ndaj bën mirë të kthejë mandatin e të vazhdojë të lëpijë andej nga është nisur! 

Endrit të presim të na kthesh edhe financiaren, sepse kaq detyrim para Partisë së Lirisë e ke!

Zyra e Financës është e hapur nga ora 08:00, në pritje që të vish të japësh sqarime!"

Sulmi i grupimit të Kreut të PL-së Ilir Meta ndaj Braimllarit vjen pas një interviste të dhënë nga ky i fundit ku u shpreh se është i hapur për bashkëpunim me kryeministrin Edi Rama.

"Nuk kam kontaktet me PS. Po them dëshirën time. Unë jam i majtë angazhimi im patjetër do të jetë PS por nëse krijohen hapësirët. Nuk e kam problem ta nis nga fillimi. Nuk ka rëndësi ku është emri Endrit Brahimllarit për të dhënë kontributin tim. Në zgjedhjet e ardhshme parlamentare do të doja të jepja angazhimin tim në PS", tha Braimllari në një dalje televizive.

Edhe pse Braimllari u shpreh se nuk mban inate me ish-kolegët në Partinë e Lirisë, duket se pala tjetër nuk mban të njëjtin qëndrim pas largimit të tij përfundimtar nga kjo forcë politike me dorëheqjen nga posti i nënkryetarit në muajin prill dhe nga detyrat në Këshillin Bashkiak të Tiranës në tetor 2024 pas sulmeve publike të Ilir Metës dhe debateve të forta mes tyre.(lexo këtu)./CNA





Lajmet e fundit nga