web counter
LEXO PA REKLAMA!

SHKARKO APP

App Store
Google Play

E fundit!

x

Shehi, kërkesë KQZ-së/ Në votim elektronik të përfshihet edhe Tirana

16 Tetor 2024, 15:13, Politikë CNA
Shehi, kërkesë KQZ-së/ Në votim elektronik të
Kreu i LZHK-së, Dashamir Shehi

Disa ditë më parë, kreu i KQZ-së, Ilirjan Celibashi i dërgoi një letër partive politike.

Celibashi deklaronte se votimi elektronik  nuk mund të bëhet në pesë qarqe për shkak se afati i përgatitjes është i pamjaftueshëm.

Ai bënte të ditur se votim elektronik do të kishte vetëm në qarqet e Elbasanit dhe Durrësit.

Pas kësaj letre ka ardhur një përgjigje nga kreu i LZHK-së, Dashamir Shehi.

LZHK propozon që të përfshihet edhe Tirana në votimin elektronik, pasi është qarku me peshën më të madhe elektorale.

Letra e plotë:

Partia Lëvizja Për Zhvillim Kombëtar, vlerëson se në qarqet ku propozohet të zhvillohet votimi elektronik për zgjedhjet e vitit 2025 për Kuvendin e Shqipërisë, të bashkangjitet Qarku Tiranë, për arsyet e më poshtme:

1. Qarku Tiranë, është qarku me peshën të madhe politike dhe elektorale kështu e ne e shohim si domosdoshmëri vendosjen e identifikimit, votimit dhe numërimit elektronik në Tiranë.

2. Tirana, ofron lehtësi logjistike dhe njerëzore për shkak të terrenit, infrastrukturës rrugore dhe zyrave të KQZ, të cilat ndohen në Tiranë.

3. Tirana, ka kryer e para modelin pilot të identifikimit, votimit dhe numërimit elektronik në zgjedhjet e vitit 2021, njësia 10, i cili rezultoi i suksesshëm.

4. Votimi dhe numërimi elektronik në Tiranë, bën më të thjeshtë përpunimin e rezultatit përfundimtar si dhe ofron një proçes të drejtë zgjedhor, duke mënjanuar komisionerët politikë të cilët krijojnë vonesa në proçes për shkak të lodhjes apo tensioneve midis palëve./ CNA

Shehi, kërkesë KQZ-së/ Në votim elektronik të





Lajmet e fundit nga