E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Sekretari i Bashës sulmon Këlliçin/ Gazetarja e “gozhdon”

26 Prill 2024, 08:41, Politikë CNA

Sekretari i Bashës sulmon Këlliçin/ Gazetarja e

Edvin Kulluri

Sekretari për Marrëdhënie me Publikun i Lulzim Bashës, Edvin Kulluri, njeriu që dikur e quante dështak dhe tradhtar kryetarin e tij, ka sulmuar drejtuesin e PD-së për Tiranën, Belind Këlliçin si dhe protestat që janë zhvilluar para Bashkisë Tiranë.

Sipas tij protesta po bëhet për protagonizëm kur në fakt protesta po bëhet për skandalet dhe aferën e "5D" dhe inceneratorëve ku janë përfshirë drejtorë dhe vetë kryebashkiaku Erion Veliaj.

Sekretari i Bashës po ashtu sulmon me të njëjtën gjuhë dhe anëtarët e Aleancës për Mbrojtjen e Teatrit të cilët gjithashtu janë angazhuar për të protestuar kundër vjedhjes dhe korrupsionit në bashki.

Por duket se për sekretarin e Bashës të protestosh kundër korrupsionit dhe vjedhjes janë heroizma.

“Nëse bëhet protestë për protagonizëm të atyre që kanë humbur me 65 mijë vota kjo nuk është protestë që ka të bëjë me '5D' apo me vjedhjet. Një nga ato të aleancës ka shkuar të pushtojë ambasadën amerikane. Një tjetër është zëdhënëse e PD-së”, tha Kulluri.

Ndërkohë që gazetarja Alba Alishani në emisionin "Debat" në "A2CNN" e ka gozhduar duke i thënë se po sulmon ata që protestojnë ku protesta është mjeti më demokratik dhe qytetarët kanë të drejtë të protestojnë.

Debati në studio

Alishani: Po atakoni ata që do të protestojnë?

Kulluri: Aleanca për Mbrojtjen e Teatrit nuk ekziston se s’ka teatër se teatri është prishur.

Teatri që ishte. A do bëhet teatër i ri atë nuk e di, jam skeptik.

Së dyti aty rolin e protagonistit e ka marrë zoti Këlliçi, i cili ka humbur para një viti me 65 mijë vota dhe nuk ka mbajtur asnjë përgjegjësi. Këtu vazhdon e njëjta spirale në opozitë, humb mos mbaj përgjegjësi, të gjitha palët.

Të bëhemi mbushës sheshesh për ta mua nuk më duket zgjidhje.

Nuk e thashë kot që hetimi ka filluar kryesisht, 7-8 ditë më parë, zoti Këlliçi e ka çuar denoncimin, ka bërë shumë mirë që e ka bërë patjetër. Hetimi ka filluar kryesisht.

Ai është heroi i Tiranës, por pse nuk u përkthye në vota heroizmi./ CNA