web counter
LEXO PA REKLAMA!

SHKARKO APP

App Store
Google Play

Jorida Tabaku mbështet Veliajn/ Nuk protestoj për hajdutët

25 Prill 2024, 22:16, Politikë CNA
Jorida Tabaku mbështet Veliajn/ Nuk protestoj për hajdutët
Deputetja Jorida Tabaku

Deputetja Jorida Tabaku nuk e ka mbështetur protestën e organizuar nga Aleanca për Mbrojtjen e Teatrit Kombëtar para Bashkisë së Tiranës, kundër kryebashkiakut Erion Veliaj.

Ajo nuk ka pranuar të protestojë kundër drejtorëve hajdutë të Veliajt, të cilët u kapën duke vjedhur paratë e taksapaguesve të kryeqytetit me tenderat e bashkisë.

Madje ka deklaruar në emisionin “Debat” të Alba Alishanit se protesta nuk është zgjidhja e duhur, duke theksuar se nuk është beteja me godinat.

“Ajo tregon kulturën që është rrënjësor, nuk ka abuzim më të madh se ajo që ka ndodhur me skemën që ka përdorur Bashkia e Tiranës në këtë rast, të cilët ka pasur edhe raste të agresionit, nuk na e kanë fajin godinat, ne nuk e kemi betejën me godinat, e kuptoj që ka qytetar që duhet ta shprehin në këtë mënyrë, por unë besoj që duhet të punojmë me njerëzit, për të shpjeguar këtë skemë, për të treguar se çdo bëjmë ndryshe, për të ngritur frymën e opozitarizmit që sot mungon”, është shprehur deputetja.

Ajo ka theksuar se nuk do të jetë në protestën e ditës së nesërme dhe është justifikuar se do të zhvillojë një takim me përfaqësues të profesioneve të lira.

“Do jem në takim me të gjithë përfaqësues të profesioneve të lira që e kam vendosur kohë më parë, për të diskutuar se si do vijohet me padinë në Gjykatën Kushtetuese”, ka nënvizuar Tabaku./ CNA





Lajmet e fundit nga