web counter
LEXO PA REKLAMA!

SHKARKO APP

App Store
Google Play

E fundit!

x

“Rilindja kërkon të rilindë shqiptarët me seks tjetër”/ Nesër seminar

27 Tetor 2024, 13:00, Politikë CNA
“Rilindja kërkon të rilindë shqiptarët me seks
Deputeti Tritan Shehu

Deputeti Tritan Shehu ka bërë me dije se nesër do të zhvillohet një seminar për ndryshimin e seksit të shqiptarëve duke filluar nga deputetët.

“Rilindja kërkon të “rilindë” shqiptarët, me seks “tjetër”, as mashkull as femër! Seminar nesër për “ndryshimin” e seksit të shqiptarëve, duke filluar nga deputetët.

Mbasi ky regjim shkatërroi ekonominë, demokracinë, të drejtat, parlamentarizmin.Mbasi zbrazi Shqipërinë e tashti kërkon ta mbushë me të ardhur prej larg.

Kërkon dhe atyre pak të mbetur tu japë një seks “tjetër”.Ndoshta kjo hyn në teoritë e kastrimit, apo tredhjes si quhet rëndomë?

Që të mos ketë as “ burra” e as “gra”, por diçka tjetër, “të tredhur”!Ashtu si i duhen njerëzit Rilindjes.Dhe për këtë nesër organizohet një “seminar” me OSBE.

E cila mbasi konstaton një demokraci të përsosur në Shqipëri, një Parlament shembullor për Europën mbarë, ka vendosur të merret me seksin ”tjetër” të deputetëve në radhë të parë, si prelud kjo për shqiptarët mbarë!

Nuk e di sa kolegë deputetë do të jenë në atë sallë nesër për të përcaktuar seksin, me mundësi për ta rilindur atë, si Rilindja që po rilind Shqipërinë!

Sidoqoftë dua tu kujtoj atyre dhe OSBE se seksi është i shenjtë.Ai i ipet njeriut a frymorit një herë, nga natyra apo perëndia, që në lindje.Por dhe nga ligjet e dokumentat tona, që nga certifikata e lindjes, e ngel i tillë.

Dhe të tillë duhet ta respektojë njeriu tërë jetën, duke qenë krenar për atë që i është “dhuruar”.Sepse kjo ka të bëjë me gjithçka, dinjitetin, familjen, jetën, egzistencën tonë.

Tjetërsimi të çon në “asgjëkund”, ashtu si i do shqiptarët Rilindja”, shkruan Shehu./ CNA





Lajmet e fundit nga