web counter
LEXO PA REKLAMA!

SHKARKO APP

App Store
Google Play

“SPAK-u të bëjë drejtësi për mbetjet e rrezikshme”/ Bylykbashi, thirrje të majtëve, të djathtëve dhe atyre pa parti

27 Tetor 2024, 11:48, Politikë CNA

“SPAK-u të bëjë drejtësi për mbetjet e

Drejtuesi politik i PD-së në Durrës, Oerd Bylykbashi, ka deklaruar nga protesta në Durrës se te Porti fshihet një krim mjedisor dhe se SPAK-u duhet të bëjë drejtësi duke u ngritur në këmbë për të hetuar këtë skandal me mbetjet toksike.

Bylykbashi tha se ky shqetësim duhet të shkojë përtej ndasive politike. Të majtë, të djathtë dhe ata pa parti duhet të bëhen bashkë pasi shëndeti i tyre është në rrezik.

Bylykbashi u shpreh se vetëm duke reaguar fort mund të ndalet ky krim që po bëhet nga qeveria, e cila ka vetëm një qëllim, vjedhjen e votave të qytetarëvë durrsakë.

“Te ky port fshihen provat e një krimi mjedisor. Ku është prokuroria? Kjo është skenë krimi, këto janë provat, prokuroria duhet të jetë në këmbë për të sekuestruar dhe për të hetuar.

Kjo shkon deri lart. SPAK-u duhet të tregojë se 100 kontejnerë i ka në sy, jo për t’i zënë sytë, por për të bërë drejtësi. Ky shqetësim shkon përtej çdo ndasie politike. Këtu duhet të jenë të majtë, të djathtë dhe pa parti se është shëndeti i tyre. Vetëm duke reaguar do ndalohet që ato mbetje të mos shkarkohen këtu.

Duhet të reagojmë qartë dhe fort. Ky është model qeverisje që bazohet në një element, te vjedhja e votës së qytetarëve durrsakë dhe shqiptarë. E ka bërë listën e PS me Kodin Penal. Kush ka bandën më të fortë ai ngjitet më lart”, tha Bylykbashi./ CNA





Lajmet e fundit nga