web counter
LEXO PA REKLAMA!

SHKARKO APP

App Store
Google Play

E fundit!

x

Rama ‘i pret rrugën’ të rinjve/ Ndalon financimet për të studiuar jashtë vendit

20 Tetor 2022, 17:29, Politikë CNA
Rama ‘i pret rrugën’ të rinjve/ Ndalon financimet për
Kryeministri Edi Rama

Qeveria do të ndërpresë financimet për studentët ekselentë që duan të studiojnë jashtë vendit.

Lajmin e ka bërë të ditur vetë kryeministri Edi Rama gjatë një takimi me nxënësit që kanë fituar “medaljen e artë”.

Rama deklaroi se do të mbështesë vetëm studentët ekselentë që do të vazhdojnë shkollimin në Shqipëri, pasi ata që studiojnë jashtë, nuk kthehen më në vendin tonë.

"E kuptoj që të studiosh në ato universitete më të mira të botës do të thotë që të hysh, me garancinë se kur del do të të vijnë të të kërkojnë kompani dhe studio prestigjoze avokatie dhe sisteme të tjera duke të ofruar punë. Se kështu është kur je në majë. Por, të firmosësh një marrëveshjeje me shtetin tënd për t’i marrë para nga taksat një numri të madh prindërish dhe të thuash që do shkoj të studioj dhe do kthehem, dhe jo vetëm të mos kthehesh, por as mos të kujtohesh të bësh një letër dhe të vihesh në dispozicion, duke thënë e kam të pamundur të kthehem se më mori Jobs në punë, por jam në dispozicion, kjo është shumë e tepërt dhe boll. Ne nuk do financojmë studime jashtë, por do financojmë ufot këtu, ata si ju, apo të tjerë me të gjitha kriteret dhe do vejmë financim të konsiderueshëm”, theksoi kreu i qeverisë./ B.A. – CNA.al





Lajmet e fundit nga