web counter
LEXO PA REKLAMA!

SHKARKO APP

App Store
Google Play

E fundit!

x

Protesta e pedagogëve/ Tabaku, leksion Qeverisë: Vendosni një balancë

20 Tetor 2022, 16:41, Politikë CNA
Protesta e pedagogëve/ Tabaku, leksion Qeverisë: Vendosni një
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, ka ngritur akuza ndaj qeverisë, teksa ëhstë ndalur te protesta e pedagogëve në fjalën e saj në Kuvend.

Tabaku tha se kjo protestë është e drejtë, ndërsa dha leksione për Qeverinë. Ajo deklaroi se Qeveria duhet ta dëgjojë zërin e pedagogëve dhe duhet të vendosë prioritete, si dhe një balancë.

"Në këtë sallë në 2015 miratuan një Reformë për Arsimin e lartë. Reforma nuk qe vetëm një ligj i miratuar nga qeveria që i jepte asaj pushtet dhe përgjegjësinë ia vinte institucionit. Ajo që ndodh sot me universitetet nuk është as neoliberalizëm, por klientelizëm i pastër politik. Ndërkohë që nafta shkon mbi 200 lekë për litër nuk e ka luksin pedagogu që të ngrejë zërin. A i keni dëgjuar ndonjëherë qeverinë që të sulmojë ato kompani që marrin tendera. Rritja e pagës së mësuesve nuk ka asnjë ndryshim. Çfarë potenciali mund të ketë universiteti kur janë duke mbijetuar për paga.

Nuk e di se kush proteston sot, por besoj se nëse sulmojmë sot atë që jep mësim, sot po dekurajojmë arsimin. Ato që janë kundër u nisin tatimet. Një operacion i tatimeve ka nisur për të kontrolluar pagën. E drejta për të protestuar shkelet me dy këmbë. Kushdo që proteston duhet të marrë atë që kërkon. Qeveria duhet të vendosë prioritete. Duhet të vendoset një balancë. Unë e kam të qartë që qeveria ka vendosur balancë tek e dyta. Dëgjojeni protestën e pedagogëve si në të drejtën e tyre. Po vuajnë pasojat e krizës dhe keqmenaxhimit", theksoi deputetja./ B.A. - CNA.al





Lajmet e fundit nga