web counter
LEXO PA REKLAMA!

SHKARKO APP

App Store
Google Play

"Propozimi im u rrëzua, si të votoj sot?"/ Replika Balla-Braçe

27 Janar 2026, 12:53, Politikë CNA

"Propozimi im u rrëzua, si të votoj sot?"/ Replika

Kreu i Grupit Parlamentar të Partisë Socialiste, Taulant Balla, dhe deputeti socialist, Erion Braçe, kanë shkëmbyer replika me njëri-tjetrin në seancën e sotme plenare.

Braçe, teksa ishte duke u diskutuar akti normaltiv për rishpërndarjen e të ardhurave të buxhetit 2025, iu drejtua Ballës duke i thënë se po kërkohet të votohet diçka e njëjtë me propozimin e bërë nga ai pak ditë më parë.

Propozim i cili kur erdhi nga Braçe u votua kundër.

Balla iu përgjigj duke i thënë se akti normativ që po diskutohet nuk mund të ndryshohet, ndërsa Braçe u shpreh se nuk kërkon ndryshim akti.

 

Replikat

 

Erion Braçe: Siç ju thashë është tejkaluar plani i të ardhurave nga sigurimet dhe këto para që shkojnë te pensionistët bëjnë mirë dhe do të ishte mirë të shkonin atje. Si të votoj sot kryetar? Se është propozimi im i votuar kundër pak ditë më parë.

Taulant Balla: Jam dakord me shqetësimet që ngrihen për t'iu gjendur pranë banorëve, bujqve të prekur nga fenomenet natyrore, jam informuar se pushteti vendor dhe qeveria po bëjnë vlerësimin në territor të këtyre dëmeve. Sa i përket aktit normativ që po shqyrtojmë, akti normativ nuk mund të ndryshohet dot sot, ai ose miratohet, ose rrëzohet.

Erion Braçe: Nuk kërkova ndryshim akti, thashë që amendamenti që u rrëzua me votë 5 javë më parë, është sjellë nga qeveria me akt. Dhe pyeta si duhet të votoj, unë atëherë votova pro, të gjithë kundër, sot ça duhet të bëj, të votoj kundër?

Petrit Malaj: Nëse do të jenë 30 mld të pashpenzuar, do të kalojë 30 mld pranë llogarisë së pensioneve./CNA





Lajmet e fundit nga