web counter
LEXO PA REKLAMA!

SHKARKO APP

App Store
Google Play

E fundit!

x

Projekt-buxheti 2025/ Teliti: Ja si po shpërdorohen financat publike

2 Nëntor 2024, 18:29, Politikë CNA

Projekt-buxheti 2025/ Teliti: Ja si po shpërdorohen financat publike

Koordinatori për Programin Ekonomik në PD, Dorjan Teliti, denoncon këtë të shtunë se qeveria po shpërdoron financat publike me projekt-buxhetin 2025.

Teliti shkruan në rrjetet sociale se në projekt-buxhetin 2025, për portin e ri në Porto Romano janë parashikuar të jepen 147 milionë euro, ndërkohë që për pensionistët janë 54 milionë euro në total, për indeksimin dhe bonusin 2025.

Ai deklaron se porti i ri do marrë nga buxheti 2025 thuajse tre herë më shumë fonde, në krahasim me ato që do të alokohen për pensionistët.

Statusi i plotë:

P-Buxheti 2025: Porti i ri në Porto Romano 147 milionë euro, ndërkohë vetëm 54 milionë euro në total për indeksimin dhe bonusin 2025 të pensionistëve!

Pasi i falën mbi 1 miliardë euro investime të kryera në 30 vite në portin e Durrësit,

Pasi i falën qindra mijëra metra katror tokë publike,

Pasi përjashtuan "investorin strategjik" për 10 vjet nga detyrimet fiskale,

Pasi i falën taksën e ndikimit në infrastrukturë,

Pasi nuk pyetën askënd për portin e ri në Porto Romano dhe kostot e saj marramendëse të ndërtimit,

Pasi alokuan nga buxheti shtetit gjatë 2024 plot 98 milionë euro, vjen përsëri fatura e rradhës për ndërtimin e portit të ri në Porto Romano. Qeveria parashikon të japë plot 147 milionë euro të taksave tona gjatë 2025 për këtë projekt.

Kur mendon që portin e kishim në Durrës, kur mendon që për indeksimin dhe bonusin që do jepen gjatë vitit të ardhshëm për 790mijë pensionistët qeveria parashikon vetëm 54 milionë euro (apo 2.7 herë më pak)...kupton edhe më qartë pse propaganda qeveritare është futur në lëvizje këto ditët e fundit.

Nuk mbulohet mali me gisht jo!!!/ CNA





Lajmet e fundit nga