web counter
LEXO PA REKLAMA!

SHKARKO APP

App Store
Google Play

"Programi qeverisës u katandis në cirk"/ Gazetari: Rama kërkon të nxjerrë jashtë loje Parlamentin

18 Shtator 2025, 19:39, Politikë CNA

"Programi qeverisës u katandis në cirk"/ Gazetari: Rama

Gazetari Klodian Tomorri i ftuar në emisionin “Tast Force” në Syri Tv ka folur për sesionin e ri parlamentar dhe kryeministrin Edi Rama.

Tomorri tha se ky Parlament nuk është normal dhe Rama kërkon ta nxjerrë jashtë lojë atë.

Më tej, Tomorri tha se përqëndrimi kaq i madh i pushtetit nuk mundet të bashkëjetojë me demokracinë.

Gazetari deklaroi se pozita kontrollon totalisht Parlamentin dhe nuk i ka lënë opozitës asnjë të drejtë, as atë të fjalës.

“Ky parlament sigurisht që nuk mund të jetë normal dhe nuk e di kush ka pritshmëri për normalitetin e këtij parlamenti. Pushteti absolut nuk mund të prodhojë situata të tjera përveç këtyre që po shohim. Edi Rama i ka dhënë provat kur nuk e respektonte parlamentin, nuk shkonte në interpelanca, kishte bezdi komisionet hetimore dhe po ndërhyn në rregullore për t’i asgjësuar.

Duke qenë se pushteti i tij sa vjen e forcohet më shumë, tani kërkon të nxjerrë jashtë loje parlamentin sepse e bezdis fjala. Ajo që duhet të jetë programi se si duhet të qeverisen shqiptarët në 4 vitet e ardhshme dhe që qytetarët të dëgjonin programin se çfarë do ndodhte me jetën e tyre në 4 vitet që vijnë, shkon e katandiset në një cirk dhe vë Diellën e cila thotë që, unë nuk jam antikushtetuese, dhe mos u bëni ç’njerëzor.

Regjimet prodhojnë cirqe, sepse një përqendrim kaq i madh pushteti nuk mund të bashkëjetojë me demokracinë dhe kjo është situata ku ka mbërritur Shqipëria. Një qeveri e cila nuk ka frikë fare, e kontrollon totalisht parlamentin dhe nuk i lë opozitës as të drejtën e vetme që është ajo e fjalës, sigurisht do të kalojë aty çfarë t’i dojë qejfi dhe në këtë vend askush nuk është më i sigurt për pronë e tij, nuk ka më të sigurta liritë e tij.

Historia e ka treguar me raste të pafund; përqendrimi i pushtetit do të çojë në këto situata. Kjo është ajo që po ndodh në Shqipëri dhe ajo që na mbetet është që të mos kemi pasoja të rënda nga oreksi i madh i Edi Ramës dhe trajtimi i vendit dhe institucioneve si një lodër nga Edi Rama”, tha Tomorri./CNA





Lajmet e fundit nga