web counter
LEXO PA REKLAMA!

SHKARKO APP

App Store
Google Play

E fundit!

x

“Procesi për Berishën, këmbanë alarmi”/ Shkullaku: Drejtësia brekë e b*thë me pushtetin

28 Dhjetor 2023, 21:41, Politikë CNA
“Procesi për Berishën, këmbanë alarmi”/
Analisti Armand Shkullaku

Analisti Armand Shkullaku e ka cilësuar si të kurdisur dosjen për çështjen “Partizani”, për të cilën SPAK ka kërkuar “arrest shtëpie” për ish-lkryeministrin Sali Berisha.

Shkullaku tha se ky proces është një këmbanë alarmi pqër të gjithë, pasi ngriti pretendimet se drejtësia po merr urdhra nga pushteti.

Sipas tij, nuk ka rrezik më të madh për një shoqëri sesa rasti i drejtësisë.

“Detyra ime e parë është të ngre sinjalin e alarmit kur shoh që një pushtet i ndarë shkrihet dhe bëhet brekë e b*thë me pushtetin. Mua kjo më shqetëson dhe për mua kjo është kambanë alarmi për të gjithë. Nuk ka rrezik më të madh për një shoqëri kur drejtësia bëhet pjesë e paradhomës së pushetit dhe merr urdhra nga pushteti.

Ne meremi te rasti se si duhet të vepronte Sali Berisha.

Çfarë i kushtonte kësaj drejtësie të re ta çonte në parlament dhe ta bënte si njerëzit, autorizim për kufizimin e lirisë për deputetin Sali Berisha siç e bëri për Saimir Tahirin. Detyrim paraqitje, dorëzim i pasaportës, merr autorizim nga parlamenti dhe zoti Berisha do të ishte i detyruar ta zbatonte.

Zoti Berisha deklaroi se nqs parlamenti e autorizon këtë kufizim të lirisë time unë do ta zbatoj.

Këta nuk e bënë, pse nuk e bënë? E para për të treguar se këta janë të aftë për të degjeneruar çdo kundërshtar politik të Edi Ramës dhe e dyta në rast se do shkonin në parlament do të duhej të paraqisnin provat për akuzën që kanë ngritur dhe ne akoma nuk e dimë se kush janë këto prova.

Çfarë do i kushtonte drejtësisë së re që një gjyqtare e cila është shkarkuar nga zoti Berisha ta zëvendësonin me një gjyqtare tjetër. Gjithë procesi ishte kurdisur për të degraduar dhe denigruar figurën e Sali Berishës”, theksoi analisti./ CNA





Lajmet e fundit nga