E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Primaret e 1 marsit në PD/ Jola Hysaj zyrtarizon kandidaturën

27 Shkurt 2025, 16:05, Politikë CNA

Anëtarja e Partisë Demokratike, Jola Hysaj, me anë të një njoftimi në rrjetet sociale ka zyrtarizuar kandidaturën e saj në Primaret e 1 marsit.

Hysaj bën thirrje për anëtarët e PD të qarkut Durrës për ta votuar, për kontributin e saj për më shumë se 10 vite në struktura si: Forumi Rinor në Durrës, Këshilli Kombëtar dhe anëtare Kryesie.

Primaret e 1 marsit në PD/ Jola Hysaj zyrtarizon kandidaturën

“Të nderuar anëtarë të Partisë Demokratike të Qarkut Durrës, të degëve Durrës, Shijak, Krujë dhe Fushë-Krujë,

Unë jam Jola Hysaj, ose siç shumë prej jush më njihni, Jola e PD. Nuk jam një emër i panjohur për ju, sepse prej gati 20 vitesh jam rritur dhe formuar në këtë parti, duke ndarë me ju sfidat dhe betejat për një Shqipëri më të drejtë. Nga një anëtare e thjeshtë, te nënkryetare e Forumit Rinor në Durrës, anëtare e Këshillit Kombëtar për më shumë se 10 vite, e deri te pozicioni im sot si anëtare e Kryesisë dhe Sekretare për Marrëdhëniet me Publikun në Partinë Demokratike të Shqipërisë, kam punuar me përkushtim dhe integritet, duke mbrojtur parimet e demokracisë dhe lirisë. Unë vij nga një familje me histori dhe sakrificë. Si mbesë dhe bijë e familjeve të përndjekura Metalla dhe Ballanca, e di çfarë do të thotë padrejtësia, persekutimi dhe mungesa e lirisë. Pikërisht për këtë arsye, angazhimi im politik ka qenë dhe mbetet një betejë për dinjitet dhe të drejta. Sot, Shqipëria ka nevojë për një ndryshim të vërtetë. Ka nevojë për politikë me dimension njerëzor, për një politikë që e vendos qytetarin në qendër dhe jo interesat personale e klienteliste. Ky është misioni im! Më 1 mars mbahen Primaret e Partisë Demokratike të Qarkut Durrës. Kandidoj me numrin rendor 19 dhe kërkoj mbështetjen tuaj për të qenë zëri i vërtetë i qytetarëve në Parlament. Unë dua që fëmijët e mi dhe fëmijët tuaj të rriten në një Shqipëri ku mundësitë nuk i takojnë vetëm një grushti njerëzish, por çdo familjeje të ndershme që punon për një jetë më të mirë. Dua një Shqipëri ku të mos detyrohesh të largohesh për të siguruar një të ardhme më të mirë. Dua një Durrës që nuk shitet, por zhvillohet me dinjitet. Më 1 mars vendosni për një politikë ndryshe! Votoni për guxim! Votoni për ndryshimin! Votoni Jola Hysaj! Votoni 19", shkruan Hysaj/ CNA