web counter
LEXO PA REKLAMA!

SHKARKO APP

App Store
Google Play

E fundit!

x

Plani për Paqen Fiskale/ Rama: Nis zbatimin nga janari, lehtësira për sipërmarrësit

23 Dhjetor 2025, 11:34, Politikë CNA

Plani për Paqen Fiskale/ Rama: Nis zbatimin nga janari, lehtësira

Kryeministri Edi Rama ishte sot i pranishëm në një takim me komunitetin e biznesit, ku u ndal gjerësisht te plani “Për paqen fiskale”.

Në fjalën e tij, Rama theksoi se kjo nismë do të gjejë zbatim duke filluar nga janari, teksa renditi edhe dy arsye, që sipas tij, e bëjnë një instrument mjaft lehtësuar për sipërmarrësit.

“Paqja fiskale është një zotim i yni i fushatës elektorale dhe sot është ligj. Pavarësisht disa debateve, të cilat nuk e adresuan dot thelbin e kësaj nisme, ne sot jemi në kushtet që, duke filluar nga janari i vitit të ardhshëm, ta zbatojmë këtë nismë.

Në radhë të parë, ajo synon të ndërtojë një urë të re besimi dhe një ndërveprim të shëndetshëm mes Administratës Tatimore dhe sipërmarrjes. Nuk është një shpikje e jona. Vetë togfjalëshi ka lindur në Romën e vjetër dhe është një instrument i përdorur prej mijëra vjetësh.

Së dyti, u jep mundësi sipërmarrjeve që nuk janë në konflikt me ligjin dhe që figurojnë si kontribuues legjitimë, të rishikojnë pasqyrat e tyre fiskale të viteve të shkuara. U jep mundësinë të vetëkorrigjohen, duke ribërë deklarimet e viteve të mëparshme dhe duke pasur si motiv një tatim shumë më të ulët mbi fitimin sesa tatimi që paguajnë rregullisht.

Për çdo pasqyrë të korrigjuar, tatimi është vetëm 5%. Kjo nuk cenon integritetin ligjor dhe siguron një proces ku sipërmarrja fokusohet te puna, pa pasur barrën e të metave të së shkuarës, e cila shkon paralelisht me adresimin e gjobave që, sipas periudhës dhe vjetërsisë, variojnë nga fshirja totale deri te pagesa me këste dhe lehtësira”,-tha Rama./CNA





Lajmet e fundit nga