web counter
LEXO PA REKLAMA!

SHKARKO APP

App Store
Google Play

Përjashtimi i deputetëve të PD-së ‘nxeh gjakrat’/ Bylykbashi: Doni të na shpërbëni

21 Dhjetor 2022, 16:38, Politikë CNA
Përjashtimi i deputetëve të PD-së ‘nxeh
Nënkryetari i Partisë Demokratike, Oerd Bylykbashi

Me debate të forta është shoqëruar kjo seancë plenare, teksa në Kuvend është hapur diskutimi për përjashtimin e disa deputetëve nga grupet parlamentare.

Nënkryetari i Partisë Demokratike, Oerd Bylykbashi, iu drejtua me tone të ashpra kryetares së Kuvendit, Lindita Nikolla.

Ai deklaroi se qëllimi i mazhorancës është shpërbërja e opozitarizmit në vend dhe e Partisë Demokratike.

“Zonja kryetare, i përmbahem rregullores më shumë se ju. Po flas unë tani. Ju kam kërkuar vendimin e Kuvendit dhe keni dështuar. Edhe ajo që thatë sot ishte shprehje vullneti. Asnjë nen në Kushtetutë e Kod Zgjedhor që rregullon të drejtën e Kuvendit për të përfaqësuar, nuk i jep askujt të drejtën veç deputetit të largojë nga grupi parlamentar.

Ju tundët një copë letër që bashkë me një tjetër padi të paligjshme mbajnë peng opozitën. Një qëllim keni ju në këtë goditje, si të shpërbëni pluralizmin politik duke shpërbërë PD-së, por nuk do ta arrini dot. Nëse pranoni sot që keni vepruar mbi bazën e një kërkese që ka ardhur nga persona pa të drejtë, vini firmën tuaj”, theksoi Bylykbashi./ B.A. - CNA.al





Lajmet e fundit nga